فضیلتوں  پر مُشْتَمِل بہت سی کتابیں لکھی جاچُکی ہیں اورعُلَمَائے کرام بھی اس کی فَضیلتیں،فائدے اور اس کی برکتوں  کو بیان فرماتے ہی رہتے ہیں۔آئیے!مزیدسُنتے ہیں کہ دُرُودِ پاک کی کثرت کرنے والے خوش نصیب مسلما ن کو اس  کی کیسی کیسی برکتیں ملتی ہیں،چنانچہ

”تفسیر صراطُ الْجِنان“جلد8صفحہ نمبر81پر لکھا ہے:(1)جو خوش نصیب رسولِ پاک صَلَّی اللہ عَلَیْہِ وَاٰلِہٖ وَسَلَّمَ پر دُرُود بھیجتا ہے،اس پر اللہ پاک،فرشتے اور نبیِّ کریم صَلَّی اللہ عَلَیْہِ وَاٰلِہٖ وَسَلَّمَ  خود دُرود بھیجتے ہیں۔ (2)دُرود شریف خطاؤں  کا کفّارہ(گناہ دھودینے والا) بن جاتا ہے۔ (3)دُرود شریف سے اَعمال پاکیزہ ہو جاتے ہیں۔(4)دُرود شریف سے درجے بلند ہوتے ہیں۔(5)گناہوں  کی مغفرت کردی جاتی ہے۔(6)دُرود بھیجنے والے کے لئے دُرود خود اِستغفار(بخشش طلب) کرتا ہے۔(7)اس کے نامَۂ اعمال میں اَجرثواب کا ایک قیراط(عرب کے ایک پیمانےکا نام جس سے وزن کیا جاتا تھا )لکھا جاتا ہے، جو اُحد پہاڑ جتنا  ہوتاہے۔(8)دُرودپڑھنے والے کو ثواب کا پورا پوراپیمانہ ملے گا۔(9)دُرود شریف ا س شخص کے لئے دنیا وآخرت کے تمام کاموں کیلئے کافی ہو جائے گا جو اپنے وظائف کا تمام وَقْت دُرودِ پاک پڑھنے میں  بسر کرتا ہو۔(10)مصیبتوں سے نجات مل جاتی ہے۔(11)اس کے دُرودِ پاک کی حُضورِ اکرم صَلَّی اللّٰہُ عَلَیْہِ واٰلِہٖ وَسَلَّمَگواہی دیں گے۔(12)اس کےلئے شفاعت واجب ہوجاتی ہے۔(13)دُرود شریف سے اللہ پاک کی رِضا اور اس کی رحمت حاصل ہوتی ہے۔(14)اللہ پاک کی ناراضی سےامن ملتا ہے۔ (15) عرش کے سائے کے نیچے جگہ ملےگی۔(16)میزان میں  نیکیوں  کا پلڑا بھاری ہوگا۔(17)حوضِ کوثر پر حاضری کا موقع ملےگا۔(18)قیامت کی پیاس سے محفوظ ہو جائے گا۔ (19)جہنم(دوزخ) کی آگ سے چھٹکارا پائے گا۔(20)پُل صراط پر چلناآسان ہوگا۔(21)مرنے سے پہلے جنّت کی منزل دیکھ لے گا