پیارے محبوب صلی اللہُ عَلَیْہِ وَ آلِہٖ وَسَلَّم  سے محبّت کرتا ہوں۔

رسولِ اکرم ، نورِ  مُجَسَّم صلی اللہُ عَلَیْہِ وَ آلِہٖ وَسَلَّم  نے یہ سُنا تو فرمایا : اَنْتَ مَعَ مَنْ اَحْبَبْتَ یعنی تم جس سے محبت کرتے ہو ، قیامت کے دِن اسی کے ساتھ رہو گے۔

پوچھے گا مولیٰ لایا ہے کیا کیا؟               میں  یہ  کہوں  گا ،  نامِ محمد ( صلی اللہُ عَلَیْہِ وَ آلِہٖ وَسَلَّم ) ^{( [1] )}

حضرت اَنَس بن مالِک   رضی اللہُ عنہ  فرماتے ہیں : سرورِ عالَم ، نورِ  مُجَسَّم صلی اللہُ عَلَیْہِ وَ آلِہٖ وَسَلَّم  نے اُس صحابئ رسول  رضی اللہُ عنہ   کو جو خوشخبری ( Good News ) سُنائی ، ہمیں اس خوشخبری سے جتنی خوشی ہوئی ، اتنی خوشی کسی چیز سے نہیں ہوئی تھی۔ مزید فرماتے ہیں : فَاَنَا اُحِبُّ النَّبِیَّ صَلَّی اللہُ عَلَیْہِ وَسَلَّمْ وَ اَبَا بَکْرٍ وَّ عُمَرَ وَاَرْجُوْ اَنْ اَکُوْنَ مَعَہُمْ بِحُبِّی اِیَّاہُم وَ اِن لَّمْ اَعْمَلْ بِمِثْلِ اَعْمَالِہِمْ یعنی رسولِ اکرم صلی اللہُ عَلَیْہِ وَ آلِہٖ وَسَلَّم  مجھ سے بہت بلند رُتبہ ہیں ، میرے پاس حضرت ابو بکر صدیق  رضی اللہُ عنہ   جیسی نیکیاں بھی نہیں ہیں ، میرے پاس حضرت عمر فاروقِ اعظم  رضی اللہُ عنہ   جیسے اَعْمَال بھی نہیں ہیں مگر میں اللہ پاک کے محبوب صلی اللہُ عَلَیْہِ وَ آلِہٖ وَسَلَّم  سے بھی محبت کرتا ہوں ، ابو بکر صدیق  رضی اللہُ عنہ   سے بھی محبّت کرتا ہوں ، میرے دِل میں محبّتِ فاروقِ اعظم  رضی اللہُ عنہ   کے چراغ بھی جَل رہے ہیں ، لہٰذا مجھے اُمِّید ہے کہ میں روزِ قیامت ان حضراتِ عالی وقار کا پڑوس پانے میں کامیاب ( Successful ) ہو جاؤں گا۔ ^{( [2] )}

عاشقِ صحابہ و اَہْلِ بیت ، شیخِ طریقت ، امیرِ اہلسُنَّت دَامَتْ بَرَکاتُہُمُ الْعَالِیَہ وسائلِ بخشش میں  لکھتے ہیں :

خُدا کے فَضْل سے میں ہوں گدا فاروقِ اعظم کا خُدا اُن کا مُحَمَّد مصطفےٰ فاروقِ اعظم کا