Book Name:Data Hazoor Aur Adab Ki Taleem
بھی بخوبی جانتا ہے ، اللہ پاک کائنات کے ذرے ، ذرے کو دیکھ رہا ہے ، پھر یہ کیسی بےادبی ہو گی کہ اللہ پاک دیکھ رہا ہے اور بندہ گُنَاہ میں مُلَوّث ہے... ؟ ؟ اس لئے بندے کو چاہئے کہ اللہ پاک کے سامنے ہر گز گُنَاہ نہ کرے اور ایسی کوئی جگہ نہیں جہاں اللہ پاک نہ دیکھتا ہو۔
جوں ہی گناہ کرنے لگوں ، تیرے خوف سے فوراً اُٹھوں میں تھرتھرا یا ربِّ مصطَفےٰ
تیری خَشیّت اور ترے ڈر سے ، خوف سے ہر دم ہو دِل یہ کانپتا یا ربِّ مصطفےٰ ( [1] )
صَلُّوْا عَلَی الْحَبیب ! صَلَّی اللّٰہُ عَلٰی مُحَمَّد
داتا حُضُور رحمۃ اللہ عَلَیْہ فرماتے ہیں : اللہ پاک کے آداب میں سے یہ بھی ہے کہ اللہ پاک کے حُضُور ایسے رہے ، جیسے شاہَوں کے سامنے رہتے ہیں۔ حضرت حارِث مُحاسبی رحمۃ اللہ عَلَیْہ کے متعلق آتا ہے ، آپ نے 40 سال ایسے گزارے کہ دِن میں یا رات میں کبھی ٹیک لگا کر کمر سیدھی نہ کی ، ہمیشہ دوزانو ( یعنی جیسے نماز میں اَلتَّحِیَّات میں بیٹھتے ہیں ، ایسے ) بیٹھا کرتے تھے ، لوگوں سے فرمایا : میں رَبِّ کے حُضُور ایسے بیٹھتا ہوں ، جیسے غُلام بیٹھتے ہیں ، اس کے عِلاوہ کسی اور حالت پر بیٹھنے سے مجھے شرم آتی ہے۔ ( [2] )
کیا شاہَوں کے حُضُور یُوں بیٹھتے ہیں... ؟
حضرت سِرِّی سقطی رحمۃ اللہ عَلَیْہ بلند رُتبہ ولئ کامِل ہوئے ہیں ، آپ ایک رات بیٹھے درودِ پاک پڑھ رہے تھے ، اسی دوران آپ نے پاؤں پھیلا لئے۔ جیسے ہی پاؤں پھیلائے ، غیب