آگ ) کا ایک حصّہ دوسرے پر چڑھ رہا ہے تو اللہ پاک کی بارگاہ میں حاضرہو کر عرض کی : اے اللہ ! تیرے عزّت وجَلال کی قسم ! کوئی بھی ایسانہیں جو جہنَّم  ( کی سختی ) کے بارے میں سُنے اوراس میں داخل ہو ( یعنی بچنے کی کوشش کرے گا  ) پس اللہ پاک کے حکم سے جہنَّم کو  خواہشات و لَذات کے پردوں سے ڈھانپ دیاگیا۔پھر اللہپاک نے جبرائیل عَلَیْہِ السَّلَام کو حکم دیا : دوبارہ جہنَّم کی طرف جاؤ۔جبرائیل عَلَیْہِ السَّلَام گئے اوربارگاہِ الٰہی میں حاضرہو کر عرض کی : اے اللہ ! تیری عزّت وجلال کی قسم ! مجھے خوف ہے کہ اب اس سے کوئی بھی نہ بچ پائے گا ، بلکہ  ( شہوات میں مبتلاہوکر ) اس میں جاپڑے گا۔ “

  ( ترمذی ، حدیث : ۲۵۶۹ ، ۴ / ۲۵۲ )

حدیثِ پاک کی تشریح :

حضرت علامہ اِبنِ حجرعسقلانی  رَحْمَۃُ اللہِ  عَلَیْہ اس حدیثِ پاک کی شرح  میں فرماتے ہیں : ” شہوات “ سے مُراد وہ دُنیاوی اُمورہیں جن کے ذریعے لذّت حاصل کی جاتی ہے ، خواہ شریعت نے اس سے بِلاواسطہ مَنْع کیاہویااس کے کرنے سے اَحکاماتِ الٰہی میں سے کسی حکم کاتَرک لازِم آتاہو ۔ نیزمُشْتَبہ  ( جن میں شک ہو ) اور وہ جائزومُباح کام جن پرعمل کے باعث حرام میں پڑنے کا خوف ہو ، سب اس  ( شہوات )  میں داخل ہیں۔  ( فتح الباری ، ۱۱ / ۲۷۳ )  چُنانچہ ،

حضرت عطیہ بن سعد رَضِیَ اللہُ  عَنْہ سےمروی ہے کہ حُضُور صَلَّی اللہُ  عَلَیْہِ واٰلِہٖ وَسَلَّمَ کافرمانِ ذیشان ہے : آدمی اس وَقْت تک مُتَّقی و پرہیزگار نہیں ہو سکتاجب تک ناجائزکاموں سے بچنے کے لئے جائزومُباح کاموں کونہ چھوڑدے۔                         

 ( مستدرک للحاکم ، ۵ / ۴۵۴ ، حدیث : ۷۹۶۹ )

پیارے اسلامی  بھائیو ! اس سےمعلوم ہواکہ تکلیفوں اور مشقتوں کے اس دریا کو عُبور کرنے  کے بعدہی بندہ جنَّت میں داخل ہوسکتا ہے اورنَفْسانی خواہشات کی پیروی کو چھوڑ