ہوگیا۔ دعوتِ اسلامی کے اس شعبے سے اوّلاً صرف بیانات کی آڈیو کیسٹیں جاری کی گئیں اور پھر اللہ پاک کے فضل و کرم اور رسولِ اکرم  صَلَّی اللہُ عَلَیْہِ واٰلہٖ وَسَلَّمَ کی نظرِ عنایت سے ایسی ترقی نصیب ہوئی کہ آڈیو کیسٹوں سے اپنے کام کا آغازکرنے والے اِدارے مکتبۃ المدینہ کے تحت آج کراچی میں باقاعدہ پریس  ( Press ) قائم ہیں ، جو اس شعبے سے متعلق ہر قسم کی جدید سہولیات و ضروریات سے آراستہ ہیں۔اس مُخْتَصَرعرصے میں مکتبۃ المدینہ سے جہاں سُنّتوں بھرے بیانات اور مدنی مذاکروں کی لاکھوں لاکھ کیسٹیں اور وی سی ڈیز  ( VCDs )  دُنیا بھر میں پہنچیں ، وہیں اعلیٰ حضرت رَحْمَۃُ اللہِ عَلَیْہ ، امیرِ اَہلسُنَّت دَامَتْ بَـرَکاتُہُمُ الْعَالِیَہ اور دیگر عُلَمائے اَہلسُنَّت کَثَّرَہُمُ اللہُ  کی کتابیں بھی شائع ہوکر کثیر تعداد میں عوام کے ہاتھوں میں پہنچ کر سُنّتوں کو زندہ کرنے کا سبب بن رہی ہیں۔

نیک عمل نمبر 29 کی ترغیب :

پیارے اسلامی بھائیو ! خواہشاتِ نفس کی پیروی سے بچنے اور سنتِ رسول کی اتباع کرنے کا ذہن پانے کے لئے دعوتِ اسلامی کے دینی ماحول سے وابستہ ہوجائیے ، ذیلی حلقے کے 12 دینی کاموں میں حصہ لیجئے۔ شیخ طریقت امیر اہلسنت کے عطا کردہ ” 72 نیک اعمال “ پر عمل کیجئے ۔ 72 نیک اعمال میں سے ایک نیک عمل نمبر 29 یہ ہے کہ کیا آج آپ نے سنت کے مطابق کھانا کھایا اور کھانے سے پہلے اور بعد کی دعائیں پڑھیں ؟ اس نیک عمل پر عمل کرنے کی برکت سے نا صرف ہم سنت کے مطابق کھانا کھانے والے بن جائیں گے بلکہ بھوک سے کم کھاکر اتباعِ خواہشات سے بچنے میں بھی کامیاب ہوجائیں گے۔

صَلُّوْا عَلَی الْحَبِیْب !                                            صَلَّی اللہُ  عَلٰی مُحَمَّد