صحابہ کھڑے ہوئے، سرکارِ عالی وقار، مکی مَدَنی تاجدار صَلَّی اللہُ عَلَیْہِ وَ آلِہٖ وَ سَلَّم نے فرمایا: تم لوگ بیٹھ جاؤ! پِھر فرمایا: اے بنو ہاشِم! تم آگے بڑھو! یہ حکمِ نبوی سُن کر حضرت مولیٰ علی، حضرت حمزہ اور حضرت عبیدہ رَضِیَ اللہُ عنہم آگے بڑھے، حضرت علی رَضِیَ اللہُ عنہ نے عتبہ کے ساتھ، حضرت حمزہ رَضِیَ اللہُ عنہ نے شیبہ کے ساتھ اور حضرت عبیدہ رَضِیَ اللہُ عنہ نے ولید کے ساتھ مقابلہ کیا اور چند ہی لمحوں میں ان تینوں غیر مسلموں کو جہنّم پہنچا دیا۔ ^([1])

حضرت محمد بن علی رَحمۃُ اللہِ عَلَیْہ  فرماتے ہیں: بدر کے دن آسمان سے ایک فرشتے نے نعرہ لگایا:

لَا سَیْفَ اِلَّا ذُو الْفَقِارٍ                                                                                                                      وَ لَا فَتیٰ اِلَّا عَلِیًّ

ترجمہ: اَصْل تلوار تو ذوالفقار (یعنی رسولِ ذیشان صَلَّی اللہُ عَلَیْہِ وَ آلِہٖ وَ سَلَّم کی تلوار) ہے اور حقیقی جوان یعنی بہادُر تو حضرت علی رَضِیَ اللہُ عنہ ہیں۔^([2])   سُبْحٰنَ اللہ!

مُرتَضیٰ شیرِ  حق اَشْجَعُ الْاَشْجَعِیْں                                                       ساقیِ شِیر وشربت پہ لاکھوں سلام

شیرِ شمشیر زَن شاہِ خَیبر  شِکَن                                                                             پَرتَوِ دستِ قدرت پہ لاکھوں سلام^([3])

وضاحت:حضرت علی المرتضیٰ رَضِیَ اللہُ عنہ *اللہ پاک کے شیر *بہادروں میں سب سے بڑے بہادر اور *مہمانوں کو دودھ اور شربت پلانے والے مولائے کائنات پر لاکھوں سلام نازل ہوں *مولا علی المرتضیٰ، شیرِ خدا رَضِیَ اللہُ عنہ شیر کی طرح بہادری سے تلوار چلانے والے *خیبر کے دروازے کو توڑنے والے *دَسْتِ قدرت كا فيضان  پانے والے ہیں