Talib e Ilm e Deen Par Karam Ho Gaya

Book Name:Talib e Ilm e Deen Par Karam Ho Gaya

یہ ہے عُلَمائے کرام کی شان....!!اللہ پاک ہم سب کو باعَمَل عالِمِ دین بننے کی توفیق نصیب فرمائے۔ آمین بِجَاہِ خَاتَمِ النَّبِیِّیْن  صَلَّی اللہُ عَلَیْہِ وَآلِہٖ وَسَلَّم

راہِ عِلْمِ دین کی رکاوٹیں

 اے عاشقانِ رسول ! غور فرمائیے! عِلْمِ دین کے کیسے کیسے فضائِل ہیں مگر افسوس! ہماری غفلت...! نفس سستی دِلاتا ہے، محنت و مشقت سے دُور بھاگتا ہے، شیطان وسوسے ڈالتا ہے، کبھی عزّت و شہرت کی طلب میں لگاتا ہے، کبھی مال و دولت کی حِرْص میں مبتلا کرتا ہے، دِل میں وسوسے آتے ہیں کہ اگر عِلْمِ دین سیکھنے میں لگ گیا تو کماؤں گا کیسے، کھاؤں گا کہاں سے؟ اتنا بڑا بزنس ہے، وقت کہاں سے نکالوں گا، دُکان نہیں چھوڑ سکتا، نوکری سے وقت نہیں ملتا، اس کے عِلاوہ اور طرح طرح کے وسوسے دِلا کر شیطان خبیث ہمیں عِلْمِ دین کی دولت سے محروم کر دیتا ہے۔

شیطان طالِبِ عِلْمِ دین کا سب سے بڑا دُشمن

مکتبۃ المدینہ کی کتابملفوظاتِ اعلیٰ حضرتمیں ہے: بعدِنَمازِ عصر شیاطین سمند ر پر جَمع ہوتے ہیں، اِبلیس کا تَخت لگتاہے،شیاطین کی کارگُزاری پیش ہوتی ہے، کوئی کہتا ہے:اس نےاتنی شرابیں پلائیں ، کوئی کہتا ہے ،اِس نے اِتنی بدکاریاں کروا ئیں(شیطان نے )سب کی سُنیں۔ کسی نے کہا:میں نےآج فُلاں طالِبِ علمِ (دین) کو پڑھنے سے باز رکھا ۔ (شیطان یہ)سنتے ہی تَخت پر سے اُچھل پڑا اور اس کو گلے سے لگا لیا اور کہا: اَنْتَ اَنْتَ(یعنی)تُو نے (زبردست ) کام کیا۔ باقی  شیاطین یہ کیفیت دیکھ کر جل گئے کہ اُنہوں نے اِتنے بڑے بڑے کام کئے،ان کو کچھ نہ کہا  اور اس (شیطان کے چَیلے)کو(طالبِ علم دین کو صِرف ایک چھٹی کروا