Book Name:Imam e Azam ka Taqwa
مِسْواک کی ستّر (70)رَکعتوں سے افضل ہے۔(1)٭مسواک کا اِستعمال اپنے لئے لازم کر لو کیونکہ اِس میں مُنہ کی صفائی اور(یہ) ربّ تعالیٰ کی رِضا کا سبب ہے۔(2) ٭حضرت سیِّدُنا ابنِ عبّاس رَضِیَ اللّٰہُ تَعَالٰی عَنْہُمَا سے روایت ہے کہ مِسواک میں دس خُوبیاں ہیں:منہ صاف کرتی،مَسُوڑھے کو مضبوط بناتی ہے، بینائی بڑھاتی ، بلغم دُور کرتی ہے ، مُنہ کی بدبو ختم کرتی ، سنّت کے مُوافِق ہے ،فرشتے خوش ہوتے ہیں، رَبّ عَزَّ وَجَلَّ راضی ہوتا ہے،نیکی بڑھاتی اور معدہ درست کرتی ہے(جمع الجوامع ۵/۲۴۹،حدیث۱۴۸۶۷)٭حضرت سیِّدنا امام شافعی عَلَیْہِ رَحْمَۃُ اللہِ القَوِی فرماتے ہیں:چار چیزیں عقل بڑھاتی ہیں: فُضُول باتوں سے پرہیز،مِسْواک کا استِعمال،صُلَحا یعنی نیک لوگوں کی صحبت اور اپنے علم پر عمل کرنا۔ (3) ٭مِسْوا ک پیلو یا زیتون یا نیم وغیرہ کڑوی لکڑی کی ہو،مسواک کی موٹائی چھنگلیا یعنی چھوٹی اُنگلی کے برابر ہو۔ ٭مسواک جب ناقابلِ استعمال ہوجائے تو پھینک مت دیجئے کہ یہ آلَۂ ادائے سنّت ہے، کسی جگہ اِحتیاط سے رکھ دیجئے یا دفن کردیجئے یا پتھروغیرہ وزن باندھ کر سَمُندر میں ڈبود یجئے ۔
صَلُّوْا عَلَی الْحَبِیْب! صَلَّی اللّٰہُ تَعَالٰی عَلٰی مُحَمَّد
طرح طرح کی ہزاروں سُنّتیں سیکھنے کے لئے مکتبۃ المدینہ کی مطبوعہ دو کتب”بہارِ شریعت“حِصّہ 16(304صفحات) نیز 120 صفْحات پر مشتمل کتاب”سُنّتیں اور آداب“ھدِيَّةً طلب کیجئے اور بغور اس کا مطالَعَہ فرمائیے۔ سنّتوں کی تَرْبِیَت کا ایک بہترین ذریعہ دعوتِ اسلامی کے مَدَنی قافِلوں میں عاشقانِ رسول کے ساتھ سنّتوں بھرا سَفَر بھی ہے۔
مجھ کو جذبہ دے سَفَر کرتا رہوں پروَردگار سنّتوں کی تَرْبِیَت کے قافِلے میں بار بار
صَلُّوْا عَلَی الْحَبِیْب! صَلَّی اللّٰہُ تَعَالٰی عَلٰی مُحَمَّد
۔۔۔۔۔۔۔۔۔۔۔۔
[1]… اَلتَّرغِیب وَالتَّرہِیب ،کتاب الطہارۃ،الترغیب فی السواک …الخ،۱/۱۲۷،حدیث:۳۳۷
2… مُسندِ احمد ،مسند عبداللہ بن عمربن الخطاب، ۲ /۴۳۸،حدیث:۵۸۶۹
3… اِحیاء الْعُلوم،کتاب آداب الاکل،فصل:یجمع آدابا …الخ، ۲/۲۷