صَلُّو ْا عَلَی الْحَبِیْب!                                صَلَّی اللہُ تَعَالٰی عَلٰی مُحَمَّد

مختصر تَعارُف و حُلیہ مُبارَک :

 میٹھے میٹھے اسلامی بھائیو!حضرتِ سَیِّدُنا امامِ اعظم رَحْمَۃُ اللّٰہ ِتَعَالٰی عَلَیْہ کا ذِکْرِ خیر جاری وساری ہے آپ رَحْمَۃُ اللّٰہ ِتَعَالٰی عَلَیْہ  کُوفہ کے رہنے والےتھے۔آپرَحْمَۃُ اللّٰہ ِتَعَالٰی عَلَیْہ   کا نامِ نامی  نُعمان اور والِدِ گرامی کا نام ثابِت ہے اورآپ کی کُنْیَت ابُو حنیفہ (اور لَقب امام ِاَعْظم ہے۔) آپ   80ھ؁ میں(کُوفہ)میں پیدا ہوئے اور70 سال کی عُمر پاکر(2 شَعْبانُ الْمُعظَّم )150ھ؁میں وَفات پائی۔( تاریخ ِ بغداد ،ج ۱۳، ص:۳۳۱ ،نُزھَۃُ الْقارِی ج ۱،ص:۲۱۹) اورآج بھی بغدادشریف کے قبرستان خیزران میں آپ کا مَزار ہے۔لوگ اس کی زیارت کرتے اور فیض پاتے ہیں۔ ( تاریخِ بغداد ،۱۳،ص:۳۲۵)

ہے نام نعمان اِبْنِ ثابت، ابُوحنیفہ ہے ان کی کُنْیت

پُکارتا ہے یہ کہہ کے عالَم، امامِ اعظم ابُوحنیفہ

                                              (وسائلِ بخشش مُرمّم ، ص۵۷۳)

آپ رَحْمَۃُ اللہِ تَعَالٰی عَلَیْہ بہت بڑے عابد وزاہد،اللہ عَزَّ  وَجَلَّ کی معرفت اوراس کا خوف رکھنے والے تھے،اپنے علم سے ہمیشہ رضائے الٰہی عَزَّ  وَجَلَّ تلاش کرتے۔

وَلیّ ُاللہ کی پیش گوئی:

امامِ اعظم ابُوحنیفہرَحْمَۃُ اللّٰہ ِتَعَالٰی عَلَیْہ اَوّلاً تِجارت کرتے تھے،ایک دن آپ رَحْمَۃُ اللہِ تَعَالٰی عَلَیْہکی مُلاقات امام شَعْبی رَحْمَۃُ اللّٰہ ِتَعَالٰی عَلَیْہ سے ہو گئی،اُنہوں نےامامِ اعظم رَحْمَۃُ اللّٰہ ِتَعَالٰی عَلَیْہ  سےپُوچھا : کہ