اَلْحَمْدُ لِلّٰہِ  رَبِّ الْعٰلَمِیْنَ وَ الصَّلٰوۃُ وَالسَّلَامُ علٰی سَیِّدِ الْمُرْسَلِیْنَ ^ط

اَمَّا بَعْدُ فَاَعُوْذُ بِاللّٰہِ مِنَ الشَّیْطٰنِ الرَّجِیْمِ ^ط  بِسْمِ اللہ  الرَّحْمٰنِ الرَّ حِیْم ^ط

نَـوَیْتُ سُنَّتَ الاعْتِکَاف   (ترجَمہ:میں نے سُنّتِ اعتکاف کی نیّت کی)

       جب بھی مسجد میں داخِل ہوں،یاد آنے پر نَفْلی اِعْتکاف کی نِیَّت فرما لِیا کریں،جب تک مسجد میں رہیں گے،نفلی اِعْتکاف کا ثواب حاصِل ہوتا رہے گا اور ضِمناً مسجد میں کھانا، پینا بھی جائز ہو جائے گا۔

دُرودِ پاک کی فضیلت:

       حُضورِ اکرم صَلَّی اللہ  تَعَالٰی عَلَیْہِ وَاٰلِہٖ وَسَلَّم   کافرمانِ بخشش نشان ہے:اللہ عَزَّ  وَجَلَّ کی خاطر آپس میں مَحَبَّت رکھنے والے جب باہَم ملیں اور مُصافَحَہ کریں اور نبی صَلَّی اللہ  تَعَالٰی عَلَیْہِ وَاٰلِہٖ وَسَلَّم   پر دُرُودِ پاک بھیجیں تو اُن کے جُدا ہونے سے پہلے دونوں کے اگلے پچھلے گُناہ بخْش دئیے جاتے ہیں۔(مسند ابی یعلی،۳/۹۵،حدیث۲۹۵۱)

گرچہ ہیں بے حد قُصور تم ہو عَفُوّ و غَفُور

بخش دو جُرم وخطا تم پہ کروڑوں دُرُود

                                                         (حدائقِ بخشش،ص266)

شعر کا خلاصہ:

اے میرے کریم آقا صَلَّی اللہ  تَعَالٰی عَلَیْہِ وَاٰلِہٖ وَسَلَّم!اگرچہ میرے گناہ حد سے زیادہ ہیں ،لیکن آپ صَلَّی اللہ  تَعَالٰی عَلَیْہِ وَاٰلِہٖ وَسَلَّم تو بہت زیادہ معافی عطاکرنے والے اور بخش دینے والے ہیں ،میرے گناہ اور خطائیں  بھی معاف کردیجئے   ،اللہ  عَزَّ  وَجَلَّ   آپ صَلَّی اللہ  تَعَالٰی عَلَیْہِ وَاٰلِہٖ وَسَلَّم پر کروڑوں  درود وسلام نازل فرمائے۔