آپ نے عِلْمِ قرآن،عِلْمِ حدیث ،عِلْمِ فِقْہ، جُغْرافِیہ،عِلْمِ طِب،تاریخ ،تفسیر،عِلْمِ نُجُوم، حساب،لُغَت اور نحو وغیرہ کے علاوہ دیگر بہت سے عُلوم وفُنُون میں بھی قابلِ قدر کتا بیں تصنیف فرما ئیں،آپ کی تصانیف کی تعداد تین سو (300)سے زیادہ بتائی جاتی ہے، جن میں کئی تو مُجلَّد(یعنی کئی کئی جلدوں پر مشتمل )ہیں اور کچھ رسالے بھی شامل ہیں۔^([1])

امام ابنِ قُدامہ حنبلی رَحْمَۃُ اللّٰہ ِتَعَالٰی عَلَیْہ فرماتے ہیں:امام ابنِ جوزی رَحْمَۃُ اللّٰہ ِتَعَالٰی عَلَیْہ اپنے زمانے میں وعظ وخطابت کے اِمام تھے،مختلف عُلوم وفُنُون میں بہترین کتابیں تصنیف فرمائیں،تد ریس بھی کرتے تھے اورآپ حافظُ الحدیث بھی تھے۔ (حافظُ الحدیث کسے کہتے ہیں،آئیے،سُنیے!ایک لاکھ (100،000)احادیث مُبارَکہ سَنَدکے ساتھ یادکرنے والا حافظُ الحدیث ہوتاہے) ^([2]) مگر وقت کے اتنے بڑے امام ہونے کے باوجود علّامہ ابنِ جوزی رَحْمَۃُ اللّٰہ ِتَعَالٰی عَلَیْہ ،حُضُور غوثِ پاک   رَحْمَۃُ اللہِ تَعَالیٰ عَلَیْہ کے بیان کردہ چالیس(40) تفسیری اَقْوال میں سے صرف گیارہ (11)کے بارے میں جانتے تھے، جس سے حُضُور غوثِ پاک  رَحْمَۃُ اللہِ تَعَالیٰ عَلَیْہ کے علمی سمندر کی بے پناہ گہرائی کا اندازہ لگایا جاسکتا ہے ۔

) وسائلِ بخشش مرمّم،ص ۵۵۹(