اپنی ماں کے بَطَنِ مُبارَک  سے پیدا ہوئے۔جس رات حُضُور غوثِ اعظم دَسْتگیر،پیرانِ پیر رَحْمَۃُ اللہِ تَعَالیٰ عَلَیْہ کی وِلادَت ہوئی، اُس رات جِیلان شریف کی جن عورتوں کے ہاں  بچہ پیدا ہوا ،اُن سب کو اللہ کریم  جَلَّ جَلَالُہٗ نے لڑکا ہی عطا فرمایا اور ہرنیا پیداہونے والا لڑکا اللہ عَزَّوَجَلَّ کا وَلی بنا۔^([1])

دُودھ ماں کا نہ پِیا آپ نے رَمضانوں میں      آپ بچپن سے سمجھدار ہیں غوثِ اعظم

حَشْر تک گائیں گے ہم گیت تمہارے مُرشِد   ہم تمہارے جو نمک خوار ہیں غوثِ اعظم

) وسائلِ بخشش مرمّم،ص ۵۶۰(

غوثِ اعظم کا حُلیہ

آپ  رَحْمَۃُ اللہِ تَعَالیٰ عَلَیْہ کا حُلْیَہ بیان فرماتے ہوۓ اَبُو عَبْدُاللہ بن اَحْمد بن قُدَامَه رَحْمَۃُ اللہِ تَعَالٰی عَلَیْہ فرماتےہیں: شَیْخُ الاسْلَام، سُلْطَانُ الاولِیَاء ، مُـحْیِ الدِّیْن،سَیِّد عَـبْدُالْـقَادِر جیلانی  رَحْمَۃُ اللہِ تَعَالیٰ عَلَیْہ  نَازُک بَدن، میانہ قد، کُشَادہ سِیْنَہ،  کُشَادَہ اور طَوِیْل داڑھی اور گندمی رنگ کے مالک تھے۔  آپ  رَحْمَۃُ اللہِ تَعَالیٰ عَلَیْہ کے ابرو ملے ہوئے،  آواز مُبارَک بُلَند اور چہرہ نہایت ہی حَسِیْن  تھا۔ آپ   رَحْمَۃُ اللہِ تَعَالیٰ عَلَیْہ نہایت ہی ذَہین تھے۔^([2])

شکمِ مادَر میں عِلْم 

       شیخِ طریقت، امیرِ اہلسنّت، بانیِ دعوتِ اسلامی ،عاشقِ اولیاء وغوثُ الوریٰ،حضرت علامہ مولانا ابو بلال محمد الیاس عطّار قادری رضوی ضیائی دَامَتْ بَـرَکاتُہُمُ الْعَالِیَہ  اپنے رسالے ”مُنّے کی لاش“کے صفحہ 4 پر