فلموں کا شیدائی

اَورَنگی ٹاؤن(بابُ المدینہ،کراچی)میں مقیم اسلامی بھائی کے مکتوب کا خُلاصہ ہے:دعوتِ اسلامی کے مَدَنی ماحول میں آنے سے قَبل میں نیکیوں سے کوسوں دُور، گناہوں کی وادِیوں میں قید تھا، میری نیکیوں سے حد دَرَجہ غفلت اور فلموں ڈراموں سے جُنُون کی حد تک مَحَبَّت کااندازہ اس بات سے لگایا جا سکتا ہے کہ گھرسے مجھے جو ماہانہ ایک ہزارروپے جیب خَرچ ملتاتھا، ان سے نِت نئی فلموں اورڈراموں کی V.C.Ds خرید کر لاتا، حتّٰی کہ میرے پاس دو ہزار(2000)سے زائد VCDs جمع ہو چکی تھیں!ایک دن ایک عاشقِ رسول سبزسبزعمامہ شریف کا تاج سجائے میرے پاس تشریف لائے اوراِنفِرادی کوشِش کرتے ہوئے مجھے فکرِ آخِرت سے مُتَعلِّق کچھ اِس طرح نیکی کی دعوت دی کہ خوفِ خدا میرے رگ وپے میں سرایت کرتاچلاگیا ، اُس عاشقِ رسول کی اِنفِرادی کوشش کی بَرَکت سے میں دعوتِ اسلامی کے’’ہفتہ وارسنتوں بھرے  اجتماع‘‘میں حاضِر ہوگیا۔وہاں ہونےوالےسنّتوں بھرےبیان نےمیرےعصیاں شعاردل کوتبدیل کرکے رکھ دیااورآخر میں مانگی جانے والی رِقّت انگیز دُعا کادل پر ایسا اثر ہوا کہ گھرآ کر میں نے فلموں کی تمام V.C.Ds توڑپھوڑ ڈالیں میں نے دعوتِ اسلامی کے اِشاعَتی اِدارے مکتبۃُ المدینہ کے سنّتوں بھرے بیا نات کی کیسٹیں گھر لا کر خود بھی سنیں اور گھر وا لو ں کو بھی سننے کے لیے دِیں توان کی برکتوں سے اَلْحَمْدُ لِلّٰہعَزَّ  وَجَلَّ ہمارا سارا گھرانا  مَدَنی ماحول سے و ا بَستہ ہوکرقادِر ی رضوی سلسلے میں داخِل ہوگیا۔

بُری صحبتوں  سے  کنارہ  کشی کر        کے اچھوں کے پاس آ کے  پامدنی  ماحول

تمہیں لطف آجائے گا  زندگی کا        قریب  آکے دیکھو  ذرا   مدنی  ماحول

صَلُّوْا عَلَی الْحَبِیْب!                                  صَلَّی اللّٰہُ تَعَالٰی عَلٰی مُحَمَّد