ساری رات نماز میں تِلاوت فرماتے رہے

حضرت ابن ابی زائد  رَحْمَةُ اللّٰهِ عَلَیْه  فرماتے ہیں میں نے تنہائی میں امامِ اعظم رَحْمَةُ اللّٰهِ عَلَیْه سے کوئی مسئلہ پوچھنا تھا ، چنانچہ میں نے عِشَا کی نماز آپ کے ساتھ مسجد میں ادا کی ، نمازی نماز پڑھ کر چلے گئے ، میں مسئلہ پوچھنے کے لئے رُک گیا ، امامِ اعظم رَحْمَةُ اللّٰهِ عَلَیْه کو میری موجودگی کا عِلْم نہیں تھا ، آپ نے کھڑے ہو کر نماز میں قرآن پڑھنا شروع کیا ، میں انتظار کر رہا تھا کہ کب امامِ اعظم فارِغ ہوں اور میں مسئلہ پوچھوں مگر امامِ اعظم رَحْمَةُ اللّٰهِ عَلَیْه تِلاوت کرتے گئے ، کرتے گئے ، جب پارہ : 27 ، سورۂ طُور کی اس آیت پر پہنچے :

فَمَنَّ اللّٰهُ عَلَیْنَا وَ وَقٰىنَا عَذَابَ السَّمُوْمِ(۲۷)  (پارہ : 27 ، سورۂ طُوْر : 27)        

ترجمہ : تو اللہ نے ہم پر احسان کیا اور ہمیں(جہنم کی) سخت گرم ہوا کے عذاب سے بچا لیا۔

تو امامِ اعظم رَحْمَةُ اللّٰهِ عَلَیْه پر رِقّت طاری ہو گئی ، آپ اسی آیت کو بار بار پڑھتے رہے ، یہاں تک کہ صبح ہو گئی اور مؤذِّن نے فجر کی اذان دے دی۔ ^([1])

جو بےمثال آپ کا ہے تقویٰ ، تو بےمثال آپ کا ہے فتوی

ہیں عِلْم و فتویٰ کے آپ سنگم ، امامِ اعظم ابوحنیفہ

امام بخاری رَحْمَةُ اللّٰهِ عَلَیْه کا شوقِ تلاوت

حدیثِ پاک کے بہت بڑے امام ، امام محمد بن اسماعیل بخاری رَحْمَةُ اللّٰهِ عَلَیْه کو تِلاوتِ قرآن سے عشق کی حد تک لگاؤ تھا ، آپ رمضان المبارک میں روزانہ ایک قرآنِ کریم ختم