الحمدلِلّٰہ! فلموں  ڈراموں  کا سلسلہ بھی بند ہو گیا۔ اب سبھی امیرِ اہلسنّت دَامَتْ بَرَکَاتْہُمُ الْعَالِیَه کے ذریعے سلسلہ ٔعالیہ قادریہ رضویہ میں  داخل ہو کر عطاری بن چکے ہیں۔

عطا ہو شوق مولیٰ مدرَسے میں آنے جانے کا      خدایا  ذوق دے قراٰن پڑھنے کاپڑھانے کا

یہی ہے آرزو تعلیمِ قراٰں عام ہوجائے           ہر اِک پرچم سے اونچا پرچمِ اسلام ہو جائے

صَلُّوْا عَلَی الْحَبیب!                                                                   صَلَّی اللّٰہُ عَلٰی مُحَمَّد

مدنی قاعدہ موبائل ایپلی کیشن

 اے عاشقانِ رسول ! عاشقانِ رسول کی دینی تحریک دعوتِ اسلامی کے I.T ڈیپارٹمنٹ نے ایک موبائل ایپلی کیشن جاری کی ہے ، جس کا نام ہے : Madani Qaidah (مدنی قاعدہ) ۔ اس ایپلی کیشن کے ذریعے مدنی قاعدہ پڑھ کر ، اس کی مشق کر کے بنیادی تجوید سیکھی جا سکتی ہے۔ اپنے اسمارٹ فُون میں یہ ایپلی کیشن انسٹال کر لیجئے! خُوف بھی فائدہ اُٹھائیے اور دوسروں کو بھی اس کی ترغیب دِلائیے۔

صَلُّوْا عَلَی الْحَبیب!                                                                                               صَلَّی اللّٰہُ عَلٰی مُحَمَّد

پیارے اسلامی بھائیو! بیان کو اختتام کی طرف لاتے ہوئے سُنّت کی فضیلت اور  چند آدابِ زندگی بیان کرنے کی سَعَادت حاصِل کرتا ہوں۔ تاجدارِ رسالت ، شہنشاہِ نبوت صَلَّی اللّٰهُ عَلَیْهِ وَ آلِهٖ وَ سَلَّمنےفرمایا : مَنْ اَحَبَّ سُنَّتِی فَقَدْ اَحَبَّنِی وَمَنْ اَحَبَّنِی كَانَ مَعِیَ فِی الْجَنَّةِ جس  نے میری سُنّت سے محبت کی اس نے مجھ سے محبت کی اور جس نے مجھ سے محبت کی وہ جنّت میں میرے ساتھ ہو گا۔ ^([1])

سینہ تیری سُنّت کا مدینہ بنے آقا!                   جنت میں پڑوسی مجھے تم اپنا بنانا