Book Name:Farishta Sifat kaise Banein
کے چشمے جاری فرما دے گا۔
اللہ پاک ہمیں ایسے آداب و اَخْلاق اور پاکیزہ کردار نصیب فرمائے۔
آمِیْن بِجَاہِ خَاتَمِ النَّبِیّٖن صَلَّی اللہ عَلیہ وَآلہٖ و َسَلَّم۔
صَلُّوْا عَلَی الْحَبیب ! صَلَّی اللّٰہُ عَلٰی مُحَمَّد
پیارے اسلامی بھائیو ! ہمیں چاہئے کہ جتنا انسان کے اِخْتیار میں ہے ، اتنا فرشتہ صفت بننے ، فرشتوں جیسے کام کرنے اور فرشتوں جیسے آداب اپنانے کی کوشش میں مسلسل لگے رہیں ۔ آئیے ! فرشتوں کے چند کام اور آداب سنتے ہیں :
( 1 ) : فرشتے نماز پڑھتے ہیں
فرشتوں کے پاکیزہ اَخْلاق و عادات میں سے ہے کہ فرشتے نماز پڑھتے ہیں اور کثرت سے اللہ پاک کے حُضُور سجدے کرتے ہیں۔ قرآنِ کریم میں بھی اس کا ذکر ہے ۔اور ہمارے نبی ، رسولِ ہاشمی صَلَّی اللہ عَلَیْہِ وَ آلِہٖ وَسَلَّم نے بھی اس کی خبر دی ، ایک حدیث شریف میں ہے : بےشک آسمان میں 4 انگلیوں کے برابر بھی جگہ نہیں ہے مگر وہاں کوئی نہ کوئی فرشتہ پیشانی رکھے ، اللہ پاک کے حُضُور سجدہ کر رہا ہے۔ ( [1] )
پیارے اسلامی بھائیو ! فرشتے نماز تو پڑھتے ہیں ، ان کے نماز پڑھنے کا انداز بھی بڑا خوبصُورت ( Beautiful ) ہے۔ روایات کے مطابق * حضرت اسرافیل عَلَیْہِ السَّلَام فرشتوں