Book Name:Farishta Sifat kaise Banein
کی نافرمانی نہیں کرتے * صِرْف وہی کرتے ہیں جس کا اللہ پاک انہیں حکم دیتا ہے * سب فرشتے معصوم ہیں ( یعنی ان سے گُنَاہ ہونا شرعاً ناممکن ہے ) ، لہٰذا یہ ہر قسم کے چھوٹے بڑے گُنَاہ سے پاک ہیں۔ ( [1] ) کل فرشتے کتنے ہیں؟ ان کی تعداد اللہ پاک کو معلوم ہے یا اللہ پاک کی عطا سے اس کے پیارے محبوب صَلَّی اللہ عَلیہ وَآلہٖ و َسَلَّم جانتے ہیں۔ ( [2] ) ہمیں یہ حکم ہے کہ ہم سب فرشتوں پر ایمان لائیں ، یعنی ہمارا عقیدہ یہ ہونا چاہئے کہ جتنے فرشتے ہیں ، ہم سب پر ایمان لائے۔
بہارِ شریعت میں ہے : * فرشتے نہ مرد ہیں نہ عورت ( [3] ) * کسی فرشتے کی معمولی سی گستاخی کفر ہے * جاہِل لوگ اپنے کسی دُشمن ( Enemy ) یا کسی ناپسندیدہ شخص کو دیکھ کر کہتے ہیں : مَلکُ الْموت آ گیا ، یہ جملہ قریب بہ کفر ہے * فرشتوں کے وُجُود کا انکار کرنا یا یہ کہنا کہ فرشتہ نیکی کی قُوَّت کو کہتے ہیں ، اس کے سوا کچھ نہیں ، یہ باتیں کفر ہیں۔ ( [4] )
فرشتوں کی پیدائش کا مقصد ( Purpose )
حضرت عبد اللہ بن عَمْرو بن عاص رَضِیَ اللہ عنہ فرماتے ہیں : خَلَقَ اللہ الْمَلَائِکۃَ لِعِبَادَتِہٖ یعنی اللہ پاک نے فرشتوں کو اپنی عبادت کے لئے بنایا ہے۔ ( [5] )
معلوم ہوا؛ جیسے ہم انسانوں اور جنّوں کی پیدائش اس لئے ہے تاکہ ہم اللہ پاک کی عِبَادت کریں ، ایسے ہی فرشتے بھی اللہ پاک کی عِبَادت کے لئے بنائے گئے ہیں ، البتہ ! بعض
[1]...بہارِ شریعت ، جلد : 1 ، صفحہ : 90 ، حصہ : 1 بتغیر قلیل ۔
[2]...بہارِ شریعت ، جلد : 1 ، صفحہ : 94 ، حصہ : 1 بتغیر قلیل ۔
[3]...بہارِ شریعت ، جلد : 1 ، حصہ : اول ، صفحہ : 93 ۔
[4]...بہارِ شریعت ، جلد : 1 ، صفحہ : 95 ، حصہ : 1 بتغیر قلیل ۔
[5]... التاریخ الکبیر ، جلد : 2 ، صفحہ : 10 ، رقم : 1517۔