Book Name:Farishta Sifat kaise Banein
میں گزار دیتے ، اگلی رات کہتے : آج رکوع کی رات ہے ، پھر ساری رات رکوع میں گزار دیتے ، تیسری رات فرماتے : آج سجدے کی رات ہے ، پھر سجدے میں سَر رکھتے اور ساری رات سجدے میں گزار دیا کرتے تھے ۔ ( [1] )
مِرے دِل سے دنیا کی چاہت مِٹا کر کر اُلفت میں اپنی فنا یااِلٰہی !
عبادت میں گزرے مری زندگانی کرم ہو کرم یاخدا یاالٰہی !
تُو اپنی وِلایت کی خیرات دیدے مِرے غوث کا واسطہ یااِلٰہی ! ( [2] )
( 3 ) : فرشتے اورچاشت کی نماز
پیارے اسلامی بھائیو ! فرشتوں کا ایک پیارا وَصْف ( Quality ) ہے کہ یہ چاشت کی نماز بھی پڑھتے ہیں ، چنانچہ حضرت عبد اللہ بن زید رَضِیَ اللہ عنہ سے روایت ہے ، رسولِ اکرم ، نورِ مُجَسَّم صَلَّی اللہ عَلیہ وَآلہٖ و َسَلَّم نے فرمایا : میں نے اللہ پاک کی بارگاہ میں سُوال کیا کہ میری اُمّت پر چاشت کی نماز فرض کر دی جائے۔اللہ پاک نے فرمایا : ( اے محبوب صَلَّی اللہ عَلیہ وَآلہٖ و َسَلَّم ! ) یہ فرشتوں کی نماز ہے ، پس آپ کی اُمّت میں سے جو چاہے یہ نماز پڑھے ، جو چاہے نہ پڑھے ( یعنی چاشت کی نماز فرض نہیں ، نفل ہے ) ۔ ( [3] )
اللہ پاک ہمیں بھی فرشتوں والی نماز یعنی چاشت کے نوافِل پڑھنے کی توفیق عطا فرمائے۔
اشراق وچاشت کی فضیلت پر 3 احادیث
اشراق و چاشت کے نوافِل پڑھنے کے بہت فضائِل ہیں : ( 1 ) : سرورِ کائنات ، فخرِ