Book Name:Farishta Sifat kaise Banein
فرشتوں کے ذِمّے مختلف کام ( Task ) لگائے جاتے ہیں ، مثلاً * کسی فرشتے کے ذِمّے بارش برسانے کا کام ہے * کسی کے متعلق ہَوا چلانا * کسی کے متعلق بندوں تک رِزْق پہنچانا * کسی کے ذِمّے ذِکْر کے حلقوں میں حاضِر ہونا * ایسے ہی اور بہت سے کام ہیں جو فرشتے انجام دیتے ہیں۔
فرشتوں کی پیدائش کے مختلف انداز
پیارے اسلامی بھائیو ! * فرشتوں کی پیدائش ( Birth ) کا طریقہ ہم انسانوں جیسا نہیں * یعنی انسان پہلے خون کا لوتھڑا ( Blood Clot ) ہوتا ہے * پھر گوشت بنتا ہے * پھر اعضا مکمل ہوتے ہیں * پھر اس میں رُوح ڈالی جاتی ہے ، پھر پُورا انسان بن کر دُنیا میں آتا ہے * رفتہ رفتہ بڑا ہوتا رہتا ہے * فرشتوں کا معاملہ ایسا نہیں * فرشتوں کو اللہ پاک کلمۂ کُن سے پیدا کرتا ہے ، یعنی اللہ پاک فرماتا ہے : ہو جا ! تو فرشتہ پیدا ہو کر اپنے کام میں مَصْرُوف ( Engross ) ہو جاتا ہے * فرشتوں کی پیدائش اب بھی جاری ہے اور ان کی پیدائش کے مختلف انداز ہیں مثلاً * چوتھے آسمان پر ایک فرشتہ ہے ، جس کا نام روح ہے ، یہ فرشتہ ہر روز 12 ہزار تسبیحیں کہتا ( یعنی اللہ پاک کی پاکی بولتا ) ہے ، اس فرشتے کی ہر تسبیح سے ایک فرشتہ پیدا ہوتا ہے۔ ( [1] ) * حدیث شریف میں ہے : جنّت میں ایک نہر ہے ، حضرت جبریلِ امین عَلَیْہِ السَّلَام روزانہ اس نہر ( Canal ) میں جاتے ہیں ، پھر باہَر آ کر پَر جھاڑتے ہیں تو ہر قطرے سے ایک فرشتہ پیدا ہوتا ہے۔ ( [2] ) * ایسے ہی بندوں کے نیک اَعْمَال سے بھی فرشتے پیدا ہوتے ہیں ، شیخ مُحیُ الدِّین اِبْنِ عربی رَحمۃُ اللہ عَلَیْہ فرماتے ہیں : ہر