کے ربّ ! میرے  گناہ بخش دے  اور میرے  دل کے  غصے  کو ختم فرما اور مجھے  گمراہ کرنے  والے  ظاہری و باطنی فتنوں سے  محفوظ فرما۔ ^{( [1] )}  

غصے کی عادت نکالنے کے 2 وظیفے

جسے زیادہ غُصّہ آتا ہو اسے چاہئے کہ  ( 1 )  : چلتے  پھرتے  کبھی کبھی یَا اَللّٰہُ ، یَارَحْمٰنُ ، یَا رَحِیْمُ کہہ لیا کرے ( 2 )  : چلتے  پھرتے  یَا اَرْحَمَ الرَّاحِمِین پڑھتا رہے ۔

غُصے کے بارے میں تفصیلی معلومات کے لئے شیخِ طریقت ، امیر اہلسنت حضرت علّامہ مولانا محمد  الیاس عطّار قادری  دَامَتْ بَرَکَاتہمُ الْعَالِیَہ کا رسالہ غُصّے کا عِلاج پڑھ لیجئے !

 ( 7 ) : بہترین شخص وہ ہے جو قرض اچھی طرح ادا کرے

سرکارِ عالی وقار ، مدینے  کے  تاجدار صَلَّی اللہ عَلَیْہِ وَ آلِہٖ وَسَلَّم  نے فرمایا : اِنَّ خِیَارَالنَّاسِ اَحْسَنُہُمْ قَضَاءً بہترین شخص وہ ہے  جو قرض اچھی طرح ادا کرے۔ ^{( [2] )}

 خوش دلی سے قرض ادا کریں

مشہور مفسرِ قرآن ، حکیمُ الْاُمَّت حضرت مفتی احمد یار خان  رَحمۃُ اللہ عَلَیْہ    اِس حدیثِ پاک کے  تحت فرماتے  ہیں : اس سے  چند مسئلے  معلوم ہوئے  ایک یہ کہ اگر مقروض بغیر شرط لگائے  قرض سے  کچھ زیادہ دے  دے  خواہ ،  وہ سود نہیں۔ دوسرا  یہ کہ  ( مقروض )  قرض خواہ کو خوش دلی سے  قرض ادا کرے۔ ^{( [3] )}