فاروق   ( رَضِیَ اللہ عنہ )  کو میرا سلام کہو ! اور یہ بھی کہہ دو کہ بارِش ہو گی۔ ^{( [1] )}

اُمّت کے حال سے وہ آگاہ ہر گھڑی ہیں  خوابوں میں آ رہے ہیں ، بگڑی بنا رہے ہیں

 اے عاشقانِ رسول ! اس حدیثِ پاک سے معلوم ہوا کہ صحابۂ کرام  علیہم ُالرِّضْوَان  کا وہ باکمال اِیْمان جسے قیامت تک کے لئے مِعْیار قرار دیا گیا ، اس مبارک اِیْمان میں ایک عقیدہ یہ بھی شامِل تھا ، جس کی بڑی خوبصُورت ترجمانی اعلیٰ حضرت امامِ اہلسنت  رَحمۃُ اللہ علیہ نے کی ہے ، لکھتے ہیں :

تُو زِندہ ہے وَاللہ ! تُو زِندہ ہے وَاللہ !                               مرے چشمِ عالَم سے چُھپ جانے والے ^{( [2] )}

صَلُّوا عَلَی الْحَبیب !                                                صَلَّی اللہ عَلٰی مُحَمَّد

صحابہ  کرام  علیہم ُالرِّضْوَان  کی ایمان افروز ادائیں

پیارے اسلامی بھائیو ! صحابۂ کرام  علیہم ُالرِّضْوَان  کا اِیْمان جو ہمارے لئے مِعْیار ہے ، اس میں اور بھی بہت سارے وہ عقائد شامِل ہیں ، جن پر آج بھی الحمد للہ ! عاشقانِ رسول قائِم ہیں اور اِنْ شَآءَ اللہ الْکَرِیْم ! قیامت تک قائِم ہی رہیں گے۔مثلاً * صحابۂ کرام علیہم ُالرِّضْوَان  پیارے آقا ، مکی مدنی مصطفےٰ  صَلَّی اللہ عَلَیْہِ وَ آلِہٖ وَ سَلَّم کو مشکل کُشَا مانتے تھے ، انہیں جب بھی کوئی مشکل پیش آ جاتی ، بارگاہِ رسالت میں حاضِر ہوتے تھے ، جنگ کے دوران ایک صحابی رَضِیَ اللہ عنہ کا بازُو کٹ گیا ، یہ بارگاہِ رسالت میں حاضِر ہوئے ، مالِک و مختار نبی  صَلَّی اللہ عَلَیْہِ وَ آلِہٖ وَ سَلَّم نے ان کا بازُو جوڑ دیا ^{( [3] )}  * ایک صحابی رَضِیَ اللہ عنہ کی آنکھ  کا ڈھیلانکل گیا ، وہ اپنی آنکھ کا