میں ڈال دیا ہے ، یہ اس جنگ میں فتح حاصِل نہیں کر پائیں گے۔

یہ ہے منافقوں کی بےیقینی... ! !  اللہ پاک فتح کا وعدہ فرما چکا مگر منافق بےایمان تھے ، ان بدبختوں کواللہ کریم کے وعدے پر بھی یقین نہ آیا ، دوسری طرف صحابۂ کرام  علیہم ُالرِّضْوَان  کایقین دیکھئے ! جب پیارےآقا ، مکی مدنی مصطفےٰ  صَلَّی اللہ عَلَیْہِ وَ آلِہٖ وَ سَلَّم نے ایک مقام پر رُک کر صحابۂ کرام  علیہم ُالرِّضْوَان سے مشورہ فرمایا تو صحابۂ کرام  علیہم ُالرِّضْوَان  نے بڑے یقین اور پختہ ایمان سے عرض کیا : اے اللہ پاک کے آخری نبی  صَلَّی اللہ عَلَیْہِ وَ آلِہٖ وَ سَلَّم !  ( میدانِ بدر تو یہ رہا )  آپ فرمائیں تو ہم سمندر میں بھی اُترنے کو تیار ہیں۔ ^{( [1] )}

سُبْحٰنَ اللہ ! یہ ہے اِیْمانِ کامِل... ! !  کسی شاعِرنے کیا خُوب کہا ہے :

تھے ان کے پاس دو گھوڑے ، چھ زرہیں ، آٹھ شمشیریں

پلٹنے آئے تھے یہ لوگ دُنیا بھر کی تقدیریں

نہ تیغ و تیر پر تکیہ ، نہ خنجر پر نہ بھالے پر

بھروسا   تھا   تو   اِک   سادی   سی   کالی   چادر   والے   پر

صَلُّوْا عَلَی الْحَبِیْب !                                                صَلَّی اللہ عَلٰی مُحَمَّد

حضرت جابِر رَضِیَ اللہ عنہ کا قرض کیسے اُترا... ؟

حضرت جابِر رَضِیَ اللہ عنہ صحابئ رسول ہیں ، آپ کے والِدِ محترم کی وفات ہوئی تو ان پر کافِی قرض تھا ، اب قرض داروں نے حضرت جابِر رَضِیَ اللہ عنہ سے مطالبہ کیا ، حضرت جابِر رَضِیَ اللہ عنہ کا ایک کھجوروں کا باغ تھا ، اتنی آمدن تھی ہی نہیں کہ قرض اُتارا جا سکے۔ ادھر