تشریف لے گئے ہیں تو دُنیا کی کوئی بھی طاقت جابِر رَضِیَ اللہ عنہ کا قرض اُترنے میں رُکاوٹ نہیں بن سکتی۔ گویا ان حضراتِ عالی وقار کا یہ عقیدہ تھا کہ

کام جو اُن سے ہوا پُورا ہوا                                                                                 اُن کی جو تدبیر ہے ، تقدیر ہے

صَلُّوْا عَلَی الْحَبیب !                                                صَلَّی اللہ عَلٰی مُحَمَّد

پیارے اسلامی بھائیو ! یہ ہے صحابۂ کرام علیہم ُالرِّضْوَان کا اِیْمان... ! !  ہمارا اِیْمان وہی مقبول ہو گا ، جب ہم صحابۂ کرام علیہم ُالرِّضْوَان  جیسا ایمان قبول کریں گے ، لہٰذا ہمیں بھی چاہئے کہ ہم اللہ پاک پر ، اس کے پیارے محبوب صَلَّی اللہ عَلَیْہِ وَ آلِہٖ وَ سَلَّم پر ، اللہ و رسول کے ارشادات پر ایسا ہی پختہ یقین رکھیں ، جیسا پختہ یقین صحابۂ کرام  علیہم ُالرِّضْوَان  رکھتے تھے۔

  ( 2 ) : صحابہ  کرام اورشفاعتِ مصطفےٰ پر یقین

قرآنِ کریم میں ایک سُورت ہے : سُورۂ مُنَافِقُون۔ اس مبارک سُورت میں بھی منافقوں کی کارستانیاں بیان ہوئی ہیں ، سُورۂ مُنَافِقُون میں اللہ پاک نے منافقوں کا ایک عیب یہ بھی بیان فرمایا کہ

وَ اِذَا قِیْلَ لَهُمْ تَعَالَوْا    ( پارہ : 28 ، سورۂ منافقون : 5 )

ترجمہ کَنْزُ الایمان : اور جب ان سے کہا جائے کہ آؤ

کہاں آؤ... ؟ بارگاہِ رسالت میں۔ کیوں آؤ... ؟ تاکہ

یَسْتَغْفِرْ لَكُمْ رَسُوْلُ اللّٰهِ    ( پارہ : 28 ، سورۂ منافقون : 5 )

ترجمہ کَنْزُ الایمان : رسول اللہ تمہارے لیے معافی چاہیں  ۔

بےشک گُنَاہوں کی مُعَافِی اللہ پاک ہی کی بارگاہ سے ملتی ہے مگر ملتی ہے شفاعتِ