ایمان کو تازگی بخشنے والا شہر ہے * اور اللہ پاک کی عطا سے ، اللہ پاک کے فضل و کرم سے مدینۂ مُنَوَّرہ کی خاک میں سب بیماریوں کی شِفَا رکھ دی گئی ہے۔ مدینۂ پاک کی اور بھی بہت ساری برکات ہیں مگر حقیقت یہی ہے کہ

زندگیاں ختم ہوئیں اور قلم ٹوٹ گئے      تیرے اَوْصاف کا اِک باب بھی پُورا نہ ہوا

کون ہے جو رسولِ رحمت ، شفیعِ اُمَّت صَلَّی اللہ عَلَیْہِ وَ آلِہٖ وَ سَلَّم سے نسبت رکھنے والی کسی بھی چیز کی پُوری طرح فضیلت بیان کر سکتا ہو... ! !  ہم دُعا کرتے ہیں کہ جو مختصر طَور پر ہم نے ذِکْرِ مدینہ کیا ہے ، اللہ پاک اس کی برکت سے ہمیں عشقِ مدینہ نصیب فرمائے ، شوقِ مدینہ نصیب فرمائے ، کاش ! مدینۂ مُنَوَّرَہ میں بار بار ، بار بار حاضری ہو ، بالآخر بقیعِ پاک میں2 گز زمین مل  جائے ، اللہ پاک ہم سب کو عشقِ مدینہ ، ذوقِ مدینہ ، ذکرِ مدینہ ، فکرِ مدینہ ، یادِ مدینہ کی دولت نصیب فرمائے ۔ اٰمِیْن بِجَاہِ خَاتَمِ النَّبِیّٖنَ صَلَّی اللہ عَلَیْہِ وَ آلِہٖ وَسَلَّم  ۔

عجب رنگ پر ہے بہارِ مدینہ       کہ سب جنتیں ہیں نثارِ مدینہ

مَلائک لگاتے ہیں آنکھوں میں اپنی        شب و روز خاکِ مزارِ مدینہ

رہیں اُن کے جلوے بسیں اُن کے جلوے       مرا دل بنے یادگارِ مدینہ

مری خاک یاربّ نہ برباد جائے            پسِ مرگ کردے غبارِ مدینہ^([1])

صَلُّوْا عَلَی الْحَبِیْب !                                                صَلَّی اللہ عَلٰی مُحَمَّد

12 دینی کاموں میں سے ایک دینی کام : ہفتہ وار اِجْتِماع

پیارے اسلامی بھائیو !  دِل میں عشق مدینہ بڑھانے ، یادِ مدینہ ، ذِکْرِ مدینہ کرنے ، گُنَاہوں