شخص اپنی آنکھوں سے دیکھ لے گا۔^([1])

یومُ الخِلَاص (یعنی صَفَائی کا دِن) کیا ہے... ؟

چنانچہ مُسْنَدِ احمد کی روایت ہے ، ایک مرتبہ پیارے آقا ، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم نے خطبہ اِرْشاد فرمایا ، اس دوران آپ صَلَّی اللہ عَلَیْہِ وَ آلِہٖ وَ سَلَّم نے 3 مرتبہ فرمایا : یَوْمُ الْخِلَاص وَ مَایَوْمُ الْخِلَاصِ صفائی کا دِن... ! !  صفائی کا دِن کیا ہے ؟   صحابۂ کرام علیہمُ الرِّضْوان نے عرض کیا : یارسولَ اللہ صَلَّی اللہ عَلَیْہِ وَ آلِہٖ وَ سَلَّم ! یَوْمُ الْخِلَاص سے کیا مُراد ہے ؟ آپ صَلَّی اللہ عَلَیْہِ وَ آلِہٖ وَ سَلَّم نے فرمایا : (قیامت کے قریب) دجّال آئے گا اور اُحُد پہاڑ پر چڑھ کر مدینۂ پاک کی طرف دیکھے گا اور اپنے ساتھیوں سے کہے گا : کیا تم سفید محل کو دیکھ رہے ہو ؟   یہ احمدِ (مجتبیٰ  صَلَّی اللہ عَلَیْہِ وَ آلِہٖ وَ سَلَّم ) کی مسجد ہے ، پھر دَجّال مدینۂ پاک میں آنے کی کوشش کرے گا مگر مدینۂ مُنَوَّرہ کے سب راستوں پر فرشتے حفاظت کے لئے موجود ہوں گے (لہٰذا دَجّال یہاں داخِل نہیں ہو سکے گا) آخر مدینۂ پاک کے قریب کھارِی زمین پر ٹھہرے گا ، پھر مدینۂ مُنَوَّرہ میں 3 مرتبہ زلزلہ  (Earthquake) آئے گا ، جس سے گھبرا کر سارے مُنَافق مدینے سے نکل کر دجّال کے پاس پہنچ جائیں گے۔ یہ یَوْمُ الخِلَاص (یعنی مدینۂ پاک کی صفائی) کا دِن ہے۔^([2])

پیارے اسلامی بھائیو ! اس سے پتا چلا کہ مدینۂ پاک کسی بےاِیْمان کو اپنے اندر پناہ نہ دے گا ، اگرچہ بعض مُنَافق یا غیر مُسْلِم یہاں رہ بھی لیں ، آخر قیامت کے قریب ان سب کو چھانٹ کر باہَر نکال دیا جائے گا۔ ساتھ ہی ساتھ یہ بھی معلوم ہو گیا کہ جو مدینے کے سچّے