ڈرو... ! ! پلٹنے کے دِن سے

پارہ : 3 ، سورۂ بقرہ ، آیت : 281  میں اللہ پاک فرماتا ہے :

وَ اتَّقُوْا یَوْمًا تُرْجَعُوْنَ فِیْهِ اِلَى اللّٰهِۗ       ( پارہ : 3 ، سورۂ بقرہ : 281 )

ترجمہ کنزُ العِرفان : اور اس دن سے ڈرو جس میں تم اللہ کی طرف  لوٹائے جاؤ گے۔

 ایک قول کے مُطَابق اس آیتِ کریمہ کا معنیٰ ہے : اے ایمان والو ! ڈرو اُس دِن سے جب تم اس دُنیا کو چھوڑ کر سَفَرِ آخرت پر روانہ ہو جاؤ گے۔ ^{( [1] )}   

آہ ! وہ دِن جب مَلَکُ الموت  عَلَیْہ السَّلام تشریف لے آئیں گے ، بدن سے رُوح کھینچ لی جائے گی ، مسجِدوں میں اِعْلان کر دیا جائے گا : فُلاں بِن فُلاں قضائے اِلٰہی سے انتقال کر گیا۔ آہ ! پھر جلد ہی غَسَّال ( غُسل دینے والے ) کو بلا لیا جائے گا ، غسل دے کر کفن پہنا دیا جائے گا ، پھر... ! ! دیکھتے ہی دیکھتے ہمیں اندھیری قبر میں اُتار دیا جائے گا۔ اے ایمان والو ! ڈرو. . . ! اس دِن سے ڈرو... ! !

ہے یہاں سے تجھ کو جانا ایک دن                                                          قبر  میں  ہو گا  ٹھکانا ایک دن

منہ  خدا کو ہے  دِکھانا  ایک دن                                                                                اب نہ غفلت میں گنوانا ایک دن

ایک دن مرنا ہے آخر موت ہے                                                                کر لے جو کرنا ہے آخر موت ہے

حضرت مَلَکُ الموت عَلَیْہ السَّلام سب کو دیکھتے ہیں

امام جلال الدین سیوطی رَحمۃُ اللہ عَلَیْہ لکھتے ہیں : حضرت مَلَکُ الموت عَلَیْہ السَّلام روزانہ ہر گھر میں 5 مرتبہ اور ایک روایت کے مطابق 7 مرتبہ تشریف لاتے ہیں اور دیکھتے ہیں کہ