مثلاً گُنَاہوں سے بھی بچتے ہیں ، نمازیں بھی پڑھتے ہیں ، دیگر نیک کام بھی کرتے ہیں ، نزع کے وقت اِنْ شَآءَ اللہ الْکَرِیْم ! ان پر آسانی کی جائے گی۔

نمازیوں کی فضیلت

روایات میں ہے : مَلَکُ الموت عَلَیْہ السَّلام پانچوں نمازوں کے وقت لوگوں کو غور سے دیکھتے ہیں ، پِھر جب رُوح قبض کرنے آتے ہیں تو اگر آدمی 5 وقت کا پکّا نمازی ہو تو اس کے قریب ہو جاتے ہیں ، شیطان اس سے دُور ہو جاتا ہے اور حضرت مَلَکُ الموت عَلَیْہ السَّلام خُود اسے کلمہ طیبہ کی تلقین فرماتے ہیں۔ ^{( [1] )}   

                   سُبْحٰنَ اللہ ! نمازیوں کی بھی کیا نِرالی شان ہے... ! !

ہر عِبَادت سے برتَر عِبَادت نماز                                                       ساری دولت سے بڑھ کر ہے دولت نماز

نارِ دوزخ سے بےشک بچائے گی یہ                               رَبّ سے دِلوائے گی تم کو جنّت نماز

بھائیو ! گر خُدا کی رضا چاہئے                                                                                  آپ پڑھتے رہیں باجماعت نماز

ہو گی دُنیا خراب ، آخرت بھی خراب                                   بھائیو ! تم کبھی چھوڑنا مت نماز

بےنمازی جہنّم کا حقدار ہے                                                                           بھائیو ! تم کبھی چھوڑنا مت نماز

دیکھو ! اللہ ناراض ہو جائے گا                                                                   بھائیو ! تم کبھی چھوڑنا مت نماز

یاخُدا تجھ سے عطّار کی ہے دُعا                                                                      مصطفےٰ کی پڑھے پیاری اُمّت نماز ^{( [2] )}

صَلُّوْا عَلَی الْحَبِیْب !                                                صَلَّی اللہ عَلٰی مُحَمَّد