نزع کے وقت آسانی دِلانے والے اَعْمال

پیارے اسلامی بھائیو ! اور بھی بہت سارے اَعْمال ہیں جو نزع کے وقت آسانی کا سبب بنتے ہیں۔ مثلاً  * جو درودِ پاک کی کثرت کرتا ہے ، حضرت مَلَکُ الموت عَلَیْہ السَّلام نزع کے وقت اس پر آسانی فرماتے ہیں ^{( [1] )}   *  جو مسواک شریف کی سُنّت پر عَمَل کرنے والا ہو ، اس پر بھی نزع میں آسانی کی جاتی ہے ^{( [2] )}    * روایات کے مطابق جو باوُضُو رہتا ہے ، موت کی سختی اس پر آسان کی جاتی ہے ^{( [3] )}   * اسی طرح والدَین کے ساتھ حُسْنِ سلوک کی برکت سے ^{( [4] )}   * صلہ رحمی کرنے  ( یعنی رشتے داروں کے ساتھ بھلائی )  کی برکت سے ^{( [5] )}   * صدقۂ فطر ادا کرنے ^{( [6] )}   * راہِ خُدا میں صدقہ و خیرات کرتے رہنے    ^{( [7] )}  اور  * نیک اَعْمال کی برکت سے نزع کے وقت آسانی دِی جاتی ہے۔

اللہ پاک ہم سب کو نزع میں ، قبر میں ، حشر میں آسانیاں نصیب فرمائے ، کاش ! پیارے آقا ، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم کے صدقے بِلا حساب جنّت میں داخلہ نصیب ہو جائے۔

 اٰمِیْن بِجَاہِ  خَاتَمِ النَّبِیّٖن صَلَّی اللہ عَلَیْہِ وَ آلِہٖ وَ سَلَّم