سننے سے پہلے کچھ اچھی اچھی نیتیں کر لیتے ہیں ، مثلاً نیت کیجئے ! * رضائے الٰہی کے لئے بیان سُنوں گا  * بااَدَب بیٹھوں گا  *  خوب تَوَجُّہ سے بیان سُنوں گا  * جو سنوں گا ، اسے یاد رکھنے ، خُود عمل کرنے اور دوسروں تک پہنچانے کی کوشش کروں گا۔

صَلُّوْا عَلَی الْحَبیب !                                                صَلَّی اللّٰہُ عَلٰی مُحَمَّد

شیطان مَرْدُود کی موت

حضرت اَحْنَف بن قیس رَحمۃُ اللہ عَلَیْہ فرماتے ہیں : ایک مرتبہ میں مسلمانوں کے دوسرے خلیفہ حضرت عمر فاروقِ اعظم رَضِیَ اللہ عنہ سے مُلاقات کے لئے مدینۂ مُنَوَّرہ حاضِر ہوا ، میں نے وہاں دیکھا کہ لوگ حلقہ بنائے بیٹھے ہیں اور حضرت کعبُ الْاَحْبار رَضِیَ اللہ عنہ دَرْس دے رہے ہیں۔ اس وقت حضرت کعبُ الْاَحْبار رَضِیَ اللہ عنہ  نے یہ واقعہ سُنایا ، فرمانے لگے : جب حضرت آدَم عَلَیْہ السَّلام کا آخری وقت آیا تو حضرت مَلَکُ الموت عَلَیْہ السَّلام آپ کے پاس حاضِر ہوئے ، اس وقت حضرت آدَم عَلَیْہ السَّلام نے اللہ پاک کی بارگاہ میں عرض کیا : اے اللہ کریم ! شیطان میرا دُشْمن ہے ، تُو نے اسے قیامت تک کے لئے مہلت عطا فرمائی ہے ، جب وہ مجھ پر موت طارِی ہوتے دیکھے گا تو ہنسے گا۔ اللہ پاک نے فرمایا : اے آدَم ! آپ جنّت میں تشریف لے جائیں گے جبکہ آپ کے دُشْمن شیطان کو ایک وقت تک کے لئے اسی دُنیا میں رہنا ہو گا ، جب اُس کی مہلت ختم ہو گی تو وہ اگلے پچھلوں کی تکلیف کے برابر موت کی تکلیف اُٹھائے گا۔

اب حضرت آدَم عَلَیْہ السَّلام نے مَلَکُ الموت عَلَیْہ السَّلام سے پوچھا : مجھے بتائیے ! شیطان پر موت کیسے طاری ہو گی ؟ جب حضرت مَلَکُ الموت عَلَیْہ السَّلام نے آپ کو  شیطان مردُود کی موت کے بارے میں بتایا تو آپ نے کہا : رَبِّ حَسْبِیْ حَسْبِیْ یعنی اے اللہ کریم ! مجھے یہ کافِی