تم سے مُردَوں میں اِضافہ ہو گا

صحابئ رسول حضرت مُعَاذ بن جبل رَضِیَ اللہ عنہ فرماتے ہیں : حضرت ملک الموت عَلَیْہ السَّلام کے پاس ایک نیزہ ہے ، جو مشرق و مغرب کے درمیان ہر جگہ پہنچتا ہے ، جب کسی کی زندگی ختم ہو جاتی ہے تو آپ وہ نیزہ اس کے سَر پر مار کر فرماتے ہیں : اب تم سے مُردوں کے  لشکر میں اِضَافہ ہو گا۔ ^{( [1] )}  

وہ ہے عیش و عشرت کا کوئی محل بھی                                    جہاں تاک میں ہر گھڑی ہو اَجَل بھی

بس اب اپنے اِس جہل سے تُو نکل بھی                          یہ جینے کا انداز اپنا بدل بھی

جگہ جی لگانے کی دنیا نہیں ہے                                                                    یہ عبرت کی جا ہے تماشا نہیں ہے

ملکُ الموت عَلَیْہ السَّلام کی مختلف شکلیں

پیارے اسلامی بھائیو ! جس طرح مَلَکُ الموت عَلَیْہ السَّلام اپنی ذِمَّہ داری سے ذَرَّہ برابر کوتاہی نہیں کرتے ، جو انہیں حکم ہوتا ہے وہی کرتے ہیں۔ کاش ! ہمیں بھی اس طرح موت کی یاد ، موت کی تیاری کرنا نصیب ہو جائے ، یقین مانئے ! جان دینا ، موت کو گلے سے لگانا آسان نہیں ، بہت مشکل کام ہے ، آہ ! ہم سب کو اس مشکل سے گزرنا ہی ہو گا ، کسی صُورت اس سے چھٹکارا نہیں مل سکتا۔ صحابئ رسول حضرت اِبْنِ عبّاس   رَضِیَ اللہ عنہما فرماتے ہیں : جب اللہ پاک نے حضرت ابراہیم عَلَیْہ السَّلام کو اپنا خلیل بنایا تو حضرت مَلَکُ الموت عَلَیْہ السَّلام انہیں اس بات کی خوشخبری ( Good News )  دینے حاضِر ہوئے ، حضرت ابراہیم عَلَیْہ السَّلام نے مَلَکُ الموت عَلَیْہ السَّلام سے فرمایا : اے ملک الموت عَلَیْہ السَّلام ! مجھے دکھاؤ کہ تم کافروں