کی روحیں  کس طرح قبض کرتے ہو ؟ ملک الموت عَلَیْہ السَّلام نے عرض کیا : آپ اپنا رخ پھیر لیجئے ! جب  ( کچھ دیر بعد )  حضرت ابراہیم عَلَیْہ السَّلام  نے پلٹ کر ملک الموت عَلَیْہ السَّلام کی طرف دیکھا تو وہ سیاہ رنگ کے آدمی کی شکل میں  تھے ، ان کا سر آسمان تک پہنچ رہا تھا ، ان کے منہ سے آگ کے شعلے نکل رہے تھے اوران کے جسم کا ہر بال ایک انسان کی صورت میں  تھا جس کے منہ اور کانوں  سے آگ کے شعلے  ( Fire Flames )  نکل رہے تھے۔ یہ خوفناک منظر دیکھ کر  حضرت ابراہیم عَلَیْہ السَّلام بےہوش ہو گئے۔کچھ دیر بعد افاقہ ہوا تو حضرت ابراہیم عَلَیْہ السَّلام نے فرمایا : اے ملک الموت عَلَیْہ السَّلام ! اگر کافر کو آپ کی یہ صورت دیکھنے کے علاوہ کوئی اور غم یا آزمائش نہ بھی پہنچے تو یہی ا س کے لئے کافی  ہے۔ اب مجھے دکھاؤ کہ تم مومن کی روح کس طرح قبض کرتے ہو ؟ حضرت عزرائیل عَلَیْہ السَّلام نے پِھر چہرہ دوسری طرف کرنے کا عرض کیا ، حضرت ابراہیم عَلَیْہ السَّلام نے رُخ مبارک پھیرا ، تھوڑی دَیْر کے بعد واپس مُڑے تو کیا دیکھتے ہیں؛ حضرت مَلَکُ الموت عَلَیْہ السَّلام سفید کپڑے پہنے انتہائی خوبصُورت نوجوان کی شکل میں موجود ہیں۔ حضرت ابراہیم عَلَیْہ السَّلام  نے فرمایا : اگر مومن اپنی موت کے وقت آپ کی اس صورت کے علاوہ کوئی اور چیز نہ بھی دیکھ سکے تو یہی اس کے لئے کافی ہے۔ ^{( [1] )}

مَلَکُ الموت عَلَیْہ السَّلام کی 4شکلیں

حُجَّۃُ الْاِسْلام امام محمد بن محمد غزالی رَحمۃُ اللہ عَلَیْہ فرماتے ہیں : حضرت مَلَکُ الموت عَلَیْہ السَّلام کی 4 مختلف شکلیں ہیں :  ( 1 ) : ایک وہ شکل کہ اس میں آپ کے چہرے ( Face )  سے