لِاَھْلِ السَّمَآءِ وَاَھْلُ بَیْتِیْ اَمَانٌ لِاَھْلِ الْاَرْضِ یعنی ستارے آسمان والوں کے لیے باعث ِ امن ہیں اور میرے اہلِ بیت زمین والوں کے لیے باعثِ امن ہیں۔ ^{( [1] )}   ایک روایت میں ہے : میرے اَہْلِ بیت زمین والوں کے لئے امان ہیں ، جب میرے اَہْلِ بیت نہ رہیں گے ، اس وقت زمین والوں پر وہ نشانیاں ظاہِر ہو جائیں گی ، جن کا ان سے وعدہ کیا گیا ہے۔  ^{( [2] )}

عُلمائے کرام فرماتے ہیں : دُنیا سے ساداتِ کرام کا اُٹھ جانا قیامت کی نشانیوں میں سے ایک نشانی ہے ، یعنی جب دُنیا میں کوئی ایک بھی سیدزادے موجود نہیں رہیں گے ، تب قیامت آ جائے گی۔ اور اس میں حکمت یہ ہے کہ قیامت بدتَرِیْن لوگوں پر آئے گی جبکہ ساداتِ کرام دُنیا کے بہترین لوگ ہیں۔ ^{( [3] )}

اَوْلادِ پاک کی محبّت فرض ہے

اے عاشقان صحابہ و اَہْلِ بیت ! یاد رکھئے ! ہمارے آقا ومولیٰ ، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم کی اَوْلادِ پاک کی محبّت دِین کا حِصَّہ ہے ، لہٰذا پیارے آقا ، احمدِ مجتبیٰ صَلَّی اللہ عَلَیْہِ وَ آلِہٖ وَ سَلَّم کے سارے شہزادوں ، ساری شہزادیوں سے محبّت و عقیدت رکھنا ، حسنینِ کریمین  رَضِیَ اللہ عنہ سے لے کر آج تک جتنے ساداتِ کرام ہیں ، ان سب سے محبّت کرنا ، ان کا احترام کرنا ، اس کی عزّت بجالانا ہم سب پر لازم  ( Mandatory ) ہے۔ اللہ پاک قرآنِ کریم میں فرماتا ہے :

قُلْ لَّاۤ اَسْــٴَـلُكُمْ عَلَیْهِ اَجْرًا اِلَّا الْمَوَدَّةَ فِی الْقُرْبٰىؕ     ( پارہ : 25 ، الشوریٰ : 23 )  

ترجمہ کَنْزُ العرفان : تم فرماؤ : میں اس پر  تم سے کوئی