گھرانے میں رکھا ، چنانچہ اللہ پاک فرماتا ہے :  ^{( [1] )}

اِنَّمَا یُرِیْدُ اللّٰهُ لِیُذْهِبَ عَنْكُمُ الرِّجْسَ اَهْلَ الْبَیْتِ وَ یُطَهِّرَكُمْ تَطْهِیْرًاۚ(۳۳) 

 ( پارہ : 22 ، الاحزاب : 33 )

ترجمہ کَنْزُ العرفان :  اے نبی کے گھر والو ! اللہ تو یہی  چاہتا ہےکہ تم سے ہر ناپاکی دور فرما دے اور تمہیں پاک کرکے خوب صاف ستھرا کر دے ۔

یہی بولے سِدْرہ والے

امام باقِر رَحمۃُ اللہ عَلَیْہ سے روایت ہے ، نبیوں کے نبی ، رسولِ ہاشمی صَلَّی اللہ عَلَیْہِ وَ آلِہٖ وَ سَلَّم نے فرمایا : میرے پاس جبریلِ امین عَلَیْہِ السَّلَام آئے اور عرض کیا : یارسولَ اللہ صَلَّی اللہ عَلَیْہِ وَ آلِہٖ وَ سَلَّم ! اللہ پاک کے حکم سے میں نے زمین کے مشرق و مغرب ( East & West ) ، پہاڑ  ( Mountains )  اور ریگستان ( Desert )  چھان ڈالے ، مجھے عرب سے بہتر ( Better )  کوئی قوم نظر نہ آئی ، پِھر اللہ پاک نے حکم دیا تو میں نے عرب میں تلاش شروع کی ، مجھے مُضَر سے بہتر کوئی قبیلہ ( Tribe )  نہ ملا ، پِھر اللہ پاک نے حکم دیا ، میں نے مُضَر میں تلاش شروع کی تو مجھے بنو کنانہ سے بہتر کوئی نظر نہ آیا ، پِھر حکم ہوا ، میں نے بنو کنانہ میں تلاش کیا ، مجھے قریش سے بہتر کوئی نہ ملا ، پِھر حکم رَبَّانی سے میں نے قریش میں تلاش کیا تو بنوہاشِم سے بہتر کوئی نظر نہ آیا ، پِھر بنو ہاشِم میں تلاش کا حکم مِلا ، میں نے تلاش کیا تو کوئی بھی آپ سے بہتر ، آپ سے اَفْضَل نظر نہیں آیا۔  ^{( [2] )}

یہی بولے سدرہ والے ، چمنِ جہاں کے تھالے

سبھی میں نے چھان ڈالے ، ترے پائے کا نہ پایا