بھی تھیں ، سیدۂ کائنات رَضِیَ اللہ عنہا نے میرے استادِ محترم سے رُخ پھیر لیا ، استادِ محترم نے اَدَب کے ساتھ التجا کی تو فرمایا : کیا ہماری اَوْلاد کی عزّت کرنے کے لئے ہماری عزّت و عظمت کافی نہیں... ! !   ^{( [1] )}  یعنی اگر ہماری اَوْلاد میں تمہیں کوئی نیکی نظر نہ آئی تو ہم تو صاحِبِ عزّت و احترام ہیں ، ہماری عزّت کے پیشِ نظر  ہی ہماری اَوْلاد کی عزّت  ( Respect )  کیا کرو ! اللہ پاک ہمیں سیِّد زادوں کے ادب و احترام کی توفیق عطا فرمائے۔

اللہ پاک ہمیں صحابۂ کرام  اور اَہْلِ بیتِ پاک رَضِیَ اللہ عنہم کا بااَدب ، سچّا عاشِق بنائے رکھے اور ان کی دشمنی و گستاخی سے ہمیشہ محفوظ فرمائے۔ اٰمِیْن بِجَاہِ  خَاتَمِ النَّبِیّٖن صلّی اللہ ُ عَلَیْہِ وَ آلِہٖ وَسَلَّم۔

محفوظ سدا رکھنا شہا بےادبوں سے                                                       اور مجھ سے بھی سرزد نہ کبھی بےادبی ہو ^{( [2] )}

12 دینی کاموں میں سے ایک دینی کام : ہفتہ وار رسالہ مطالعہ

پیارے اسلامی بھائیو !  صحابہ و اَہْلِ بیت کی محبّت دِل میں بڑھانے ، ساداتِ کرام کا بااَدب بننے ، گُنَاہوں سے بچنے اور نیکیوں پر استقامت پانے کے لئے عاشقانِ رسول کی دینی تحریک دعوتِ اسلامی کے دینی ماحول سے وابستہ ہو جائیے اور ذیلی حلقے کے 12 دینی کاموں میں بھی خوب حصّہ لیجئے ! اس کی برکت سے اِنْ شَآءَ اللّٰهُ الْکَرِیْم ! دین و دنیا کی بےشُمار بھلائیاں نصیب ہوں گی۔ ذیلی حلقے کے 12 دینی کاموں میں سے ایک دینی کام  ہفتہ وار رسالہ مطالعہ بھی ہے۔

یاد رہے ! ہفتہ وار مدنی مذاکرے میں چند صفحات کا مختصر سا رسالہ پڑھنے ، آڈیو سُننے