سید زادوں )  سے محبّت کرتا ہے۔ یہ سُن کر فرشتے واپس لوٹ گئے۔

علّامہ یوسُف بن اسماعیل نبہانی رَحمۃُ اللہ عَلَیْہ  لکھتے ہیں : تیمور لنگ کے انتقال کے بعد کسی نے خواب دیکھا کہ پیارے آقا ، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم تشریف فرما ہیں اور پاس ہی تیمور لنگ بھی بیٹھے ہیں ، پیارے نبی ، رسولِ ہاشمی صَلَّی اللہ عَلَیْہِ وَ آلِہٖ وَ سَلَّم نے خواب دیکھنے والے سے فرمایا : اے محمد بن حَسَن ! تیمور میری اَوْلاد سے محبّت کرتا ہے۔ ^{( [1] )}  

فضلِ رَبّ سے دوجہاں میں کامیابی پائے گا                    دِل سے جو شیدا ہوا اَصْحاب و اَہْلِ بیت کا

اے خُدائے مصطفےٰ ! ایمان پر ہو خاتمہ                         مغفرت کر ! واسطہ اَصْحاب و اَہْلِ بیت کا

جینا مرنا اُن کی الفت میں ہو یارَبّ ! اور ہو        قرب جنّت میں عطا اَصْحاب و اَہْلِ بیت کا ^{( [2] )}

صَلُّوْا عَلَی الْحَبیب !                                                صَلَّی اللہ  عَلٰی مُحَمَّد

ان کی پاکی کا خدائے پاک کرتا ہے بیان

اے عاشقانِ صحابہ و اَہْلِ بیت ! ہمارے پیارے آقا ، مکی مدنی مصطفےٰ صلّی اللہ ُ عَلَیْہِ وَ آلِہٖ وَسَلَّم کی اَوْلادِ پاک بہت  ہی بلند رُتبہ ، عظمت و شان والی ، بہت اُونچے مقام والی ہے۔ اللہ پاک ارشاد فرماتا ہے :

اِنَّمَا یُرِیْدُ اللّٰهُ لِیُذْهِبَ عَنْكُمُ الرِّجْسَ اَهْلَ الْبَیْتِ وَ یُطَهِّرَكُمْ تَطْهِیْرًاۚ(۳۳)

 ( پارہ : 22 ، الاحزاب : 33 )

ترجمہ کَنْزُ العرفان :  اے نبی کے گھر والو ! اللہ تو یہی  چاہتا ہےکہ تم سے ہر ناپاکی دور فرما دے اور تمہیں پاک کرکے خوب صاف ستھرا کر دے ۔

تفسیر نور العرفان میں ہے : اس کا یہ مطلب نہیں کہ یہ آیتِ کریمہ اُترنے سے پہلے