نے جسمِ پاک سے نکلاہوا خُون مبارک پیا ہے اور پیارے آقا ، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم نے اس سے منع نہیں فرمایا۔ شارِح بُخاری علامہ بدر الدین عینی رَحمۃُ اللہ عَلَیْہ مزید فرماتے ہیں :  ( آپ صَلَّی اللہ عَلَیْہِ وَ آلِہٖ وَ سَلَّم کے خون مُبَارَک کا حکم عام انسانوں جیسا نہیں اور )  جس قول سے یہ لازِم آئے کہ حضور صَلَّی اللہ عَلَیْہِ وَ آلِہٖ وَ سَلَّم عام انسانوں کے برابر  ( Equal ) ہیں ، وہ کسی جاہِل ، اَحْمق  ( Stupid ) کے مُنْہ کی بات ہی ہو سکتی ہے ، بھلا کہاں وہ عالی رتبہ ! اور کہاں عام انسان... ! !     ^{( [1] )}

آپ جیسا کوئی ہو سکتا نہیں                                                                                                   اپنی     ہر     خوبی     میں     تنہا     آپ     ہیں ^{( [2] )}

صَلُّوْا عَلَی الْحَبیب !                صَلَّی اللہ  عَلٰی مُحَمَّد

سب سے اَفْضَل نسب والے

پیارے اسلامی بھائیو ! اَوْلادِ مصطفےٰ کی بھی کیا نِرالی شان ہے ، یہ وہ بلند رُتبہ ہستیاں ہیں کہ ان کے نسب جیسا دُنیا میں کوئی نسب نہیں ہے۔ صحابئ رسول حضرت عبد اللہ بن عبّاس رَضِیَ اللہ عنہما فرماتے ہیں : رسولِ ذیشان ، مکی مدنی سلطان صَلَّی اللہ عَلَیْہِ وَ آلِہٖ وَ سَلَّم نے فرمایا : اللہ پاک نے مخلوق کو 2 قسموں میں تقسیم کیا تو مجھے اُن میں سے افْضل قسم میں رکھا ، پِھر اُن 2 قسموں کو 3 قسموں میں تقسیم فرمایا تو مجھے ان 3 میں سے سب سے اَفْضل اور بہترین قسم میں رکھا ، پِھر اُن 3 قسموں کے قبیلے ( Tribes )  بنائے تو مجھے سب سے اَفْضَل و اعلیٰ قبیلے میں رکھا ، پِھر قبیلوں کو گھرانوں میں تقسیم  ( Distribute ) فرمایا تو مجھے سب سے اَفْضَل اور بہترین