عشق و محبّت، سیدی اعلیٰ حضرت رَحمۃُ اللہِ عَلَیْہ کا عشق دیکھئے! لکھتے ہیں:

قسمتِ ثَوْر و حِرا کی حرص ہے                                                                       چاہتے   ہیں   دِل   میں   گہرا   غار   ہم^([1])

مفہوم:یارسولَ اللہ صَلَّی اللہُ عَلَیْہِ وَ آلِہٖ وَ سَلَّم! ثَوْر اورحِرا وہ بلند رُتبہ پہاڑ ہیں کہ آپ صَلَّی اللہُ عَلَیْہِ وَ آلِہٖ وَ سَلَّم نے ان کے غاروں میں قیام فرمایا، اے مکی مَدَنی  محبوب صَلَّی اللہُ عَلَیْہِ وَ آلِہٖ وَ سَلَّم!مجھے بھی ان پہاڑوں جیسی قسمت کی حرص ہے، میں چاہتاہوں کہ میرے دِل میں گہرا غار بن جائے اور آپ اس غار میں تشریف لے آئیں۔

سینہ میں جو آ جاؤ بن آئے مرے دل کی                               سینہ تو مدینہ ہو دل اس کا ہو شیدائی

دل تو ہو خدا کا گھر سینہ ہو ترا مسکن                                                            پھر  کعبہ  و طیبہ  کی  پہلو  میں  ہو  یک  جائی^([2])

صَلُّوْا عَلَی الْحَبِیْبِ!                                               صَلَّی اللہُ عَلٰی مُحَمَّد

غم نہ کر! اللہ ہمارے ساتھ ہے

پیارے اسلامی بھائیو! یہی وہ غار کا قیام ہے، جس کے متعلق اللہ پاک نے فرمایا:

ثَانِیَ اثْنَیْنِ اِذْ هُمَا فِی الْغَارِ اِذْ یَقُوْلُ لِصَاحِبِهٖ لَا تَحْزَنْ اِنَّ اللّٰهَ مَعَنَاۚ-فَاَنْزَلَ اللّٰهُ سَكِیْنَتَهٗ عَلَیْهِ (پارہ:10، التوبہ:40)

ترجمہ کنزُ العِرفان:جبکہ یہ دو میں سے دوسرے تھے، جب دونوں غار میں تھے، جب یہ اپنے ساتھی سے فرما رہے تھے غم نہ کرو، بیشک اللہ ہمارے ساتھ ہے تو اللہ نے اُس پر اپنی تسکین نازل فرمائی۔

روایات میں ہے: کفّارِ مکہ رسولُ اللہ صَلَّی اللہُ عَلَیْہِ وَ آلِہٖ وَ سَلَّم کو ڈھونڈتے ڈھونڈتے غار تک