کتابیں لکھی ہیں، البتہ! ہم مختصر مختصر طَور پر کچھ شانیں سُن لیتے ہیں:

بنیادی طَور اس آیتِ کریمہ میں حضرت صِدِّیقِ اکبر رَضِیَ اللہُ عنہ کی 4 خصوصی شانیں بیان ہوئی ہیں:

(1):ثَانِیَ اثْنَیْن (2 میں سے دوسرے)

پہلی شان: اللہ پاک نے فرمایا:

ثَانِیَ اثْنَیْنِ (پارہ:10، التوبہ:40)

ترجمہ کنزُ العِرفان: دو میں سے دوسرے۔

یہ حضرت صِدِّیقِ اکبر رَضِیَ اللہُ عنہ کی بڑی شان ہے، روایت ہے: ایک مرتبہ سرکارِ عالی وقار، مکی مدنی تاجدار صَلَّی اللہُ عَلَیْہِ وَ آلِہٖ وَ سَلَّم نے خُود حضرت حسّان بن ثابِت رَضِیَ اللہُ عنہ سے فرمایا: اے حسّان!کیاتم نے میرے صِدِّیق کی تعریف میں بھی کوئی شعر لکھے ہیں؟ عرض کیا: جی ہاں! یارسولَ اللہ صَلَّی اللہُ عَلَیْہِ وَ آلِہٖ وَ سَلَّم! فرمایا: مجھے بھی سُناؤ! اب حضرت حسّان بن ثابِت رَضِیَ اللہُ عنہ نے حضرت صِدِّیقِ اکبر رَضِیَ اللہُ عنہ کی شان میں جو اشعارلکھے، ان میں ٹائٹل آپ کے اسی وَصْف کو بنایا، آپ نے بارگاہِ رسالت میں یہ اشعار سُناتے ہوئے عرض کیا:

وَثَانِيَ اثْنَيْنِ فِي الْغَارِ الْمُنِيفِ وَقَدْ                                                           طَافَ الْعَدُوُّ بِهِ اِذْ صَاعَدَ الْجَبَلا

ترجمہ:اے ابوبکر صدیق رَضِیَ اللہُ عنہ! آپ اس بابرکت غارِ ثور میں ثَانِیَ اثْنَیْن یعنی 2میں سے دوسرے تھے جب دشمن نے اس پہاڑ کے گرد چکرلگایا اور اس پرچڑھا۔

وَكَان حُبَّ رَسُولِ اللہِ قَدْ عَلِمُوا                                                                           مِنَ الْبَرِيَّةِ لَمْ يَعْدِلْ بِهِ بَدَلَا

ترجمہ:سب جانتے ہیں کہ رسولُ اللہ صَلَّی اللہُ عَلَیْہِ وَ آلِہٖ وَ سَلَّم کی بارگاہ میں آپ سب مخلوق سے بڑھ کر محبوب ہیں، بارگاہِ رسالت میں کوئی آپ کے ہم پلّہ نہیں۔