آلِہٖ وَ سَلَّم کی عظمت و شان کو دیکھ لے، اِنْ شَآءَ اللہُ الْکَرِیْم! ہر ہر جگہ پر، ہر ہر وَصْف میں حضرت صِدِّیقِ اکبر رَضِیَ اللہُ عنہ کی ذات کے اندر مصطفےٰ جانِ رحمت صَلَّی اللہُ عَلَیْہِ وَ آلِہٖ وَ سَلَّم کا فیضانِ صحبت جھلکتا ہوا نظر آئے گا۔

 (3):اللہ پاک کا خصوصی ساتھ

آیتِ کریمہ میں حضرت صِدِّیقِ اکبر رَضِیَ اللہُ عنہ کی تیسری شان بیان ہوئی کہ رسولِ اکرم صَلَّی اللہُ عَلَیْہِ وَ آلِہٖ وَ سَلَّم نے آپ کو تسلی دیتے ہوئے فرمایا:

اِنَّ اللّٰهَ مَعَنَاۚ- (پارہ:10، التوبہ:40)

ترجمہ کنزُ العِرفان:بیشک اللہ ہمارے ساتھ ہے

اللہ! اللہ! کیا شان ہے حضرت صِدِّیقِ اکبر رَضِیَ اللہُ عنہ کی...!!غار میں صِرْف رسولِ خُدا صَلَّی اللہُ عَلَیْہِ وَ آلِہٖ وَ سَلَّم ہیں، حضرت صِدِّیقِ اکبر رَضِیَ اللہُ عنہ ہیں اور ان 2بلند رُتبہ ہستیوں پر اللہ پاک کی خاص تجلیات کا ظہور ہو رہا ہے۔ عُلَما فرماتے ہیں: یہ شرف جو حضرت صِدِّیقِ اکبررضی اللہ رَضِیَ اللہُ عنہ کو غارِ ثور میں نصیب ہوا کہ آپ کو اللہ پاک اور اس کے پیارے محبوب صَلَّی اللہُ عَلَیْہِ وَ آلِہٖ وَ سَلَّم کا خصوصی ساتھ ملا، یہ شرف کسی نبی عَلَیْہِ السَّلام کے کسی صحابی کو نہیں مِلا۔^([1])

اللہ پاک کا خصوصی ساتھ کسے ملتا ہے؟

پیارے اسلامی بھائیو! اِمام فَخْرُ الدِّیْن رَازِی رَحمۃُ اللہِ عَلَیْہ نے اس جگہ عجیب نکتہ بیان کیا،  آپ فرماتے ہیں: غارِ ثور میں حضرت صِدِّیقِ اکبررضی اللہ رَضِیَ اللہُ عنہ کو اللہ پاک کا خصوصی ساتھ نصیب ہوا،  اب دیکھنایہ ہے کہ اللہ پاک کا خصوصی ساتھ ملتا کس طرح کے