مشہور مفسر قرآنِ مفتی احمد یار خان نعیمی رَحمۃُ اللہِ عَلَیْہاِس حدیثِ پاک کے تحت فرماتے ہیں : اس طرح کہ دین و ایمان کو جڑ سے خَتم کردیتی ہے کبھی انسان بُغْض و حَسَد میں اسلام ہی چھوڑ دیتا ہے شیطان بھی انہیں 2بیماریوں کا مارا ہوا ہے۔^([1])

حسد کرنے والے کا بُرا خاتمہ

حضرت فُضَیل بن عیاض رَحمۃُ اللہِ عَلَیْہ اپنے ایک شاگِرد کے نَزع کے وَقت تشریف لائے اور اُس کے پاس بیٹھ کر سورۂ یٰس شریف پڑھنے لگے۔ تو اُس شاگِرد نے کہا: سورۂ یٰس پڑھنا بند کر دو۔ پھر آپ رَحمۃُ اللہِ عَلَیْہ نے اسے کلمہ شریف کی تلقین فرمائی۔ و ہ بولا:میں ہر گز یہ کلمہ نہیں پڑھوں گا میں اِس سے بَیزار ہوں۔ بس انہیں الفاظ پر اُس کی موت واقِع ہو گئی۔ حضرت فُضَیل رَحمۃُ اللہِ عَلَیْہ کو اپنے شاگِرد کے بُرے خاتِمے کا سخت صدمہ ہوا۔ 40روز تک اپنے گھر میں بیٹھے روتے رہے۔ 40دن کے بعد آپ رَحمۃُ اللہِ عَلَیْہ نے خواب میں دیکھا کہ فِرِشتے اُس شاگرد کو جہنَّم میں گھسیٹ رہے ہیں۔ آپ رَحمۃُ اللہِ عَلَیْہ نے فرمایا: کس سبب سے تیری مَعرِفَت چھین لی گئی؟ اُس نے جواب دیا : 3 عیبوں کے سبب: (1):چُغلی کہ میں اپنے ساتھیوں کو کچھ بتاتا تھا اور آپ کو کچھ اور (2):حَسَد کہ میں اپنے ساتھیوں سے حَسَد کرتا تھا (3):شراب نَوشی کہ ایک بیماری سے شِفاپانے کی غَرَض سے طبیب (Doctor) کے مشورے پر ہر سال شراب کا ایک گلاس پیتا تھا۔^([2])

مجھے دیدے ایمان پر اِستقامت                                                               پئے   سیِّدِ   مُحْتَشَم   یاالٰہی

خدایا بُرے خاتِمے سے بچانا                                                                              پڑھوں  کلمہ  جب  نکلے  دم  یاالٰہی