Book Name:Fazail e Hassnain Karimen
اسی شَفْقَت و مَحَّبت کے سبب دونوں شہزادے اکثراَوقات رسول ِ اکرم ، شاہِ بنی آدم کے پاس رہا کرتے اورآپ صَلَّی اللّٰہُ عَلَیْہِ واٰلہٖ وسلَّم ان کے رونے کی آواز سُن کر پریشان ہوجاتے ۔حضرت سَیّدُناابوہرىرہ رَضِیَ اللّٰہُ عَنْہُ فرماتے ہیں کہ ایک مرتبہ ہم نبى ٔکریم صَلَّی اللّٰہُ عَلَیْہِ وَاٰلِہٖ وَسَلَّم کے ہمراہ ایک سفر مىں نکلے، ابھى کچھ ہی راستہ طے کیا تھا کہ آپ صَلَّی اللّٰہُ تَعَا لٰی عَلَیْہِ وَاٰلِہٖ وَسَلَّم نے (حضرات )حَسن و حُسىن (رَضِیَ اللّٰہُ عَنْہما)کے رونے کی آواز سنى اور دونوں اپنى والدہ ٔماجدہ (سَىِّدہ فاطمۃ الزہراہ رَضِیَ اللّٰہُ عَنْہَا) کے پاس ہى تھے، سرکار دوعالم صَلَّی اللّٰہُ تَعَا لٰی عَلَیْہِ وَاٰلِہٖ وَسَلَّم ان کے رونے کی آواز سُن کر بے قرار ہو گئے اور تىزى سےان کے پاس پہنچےاور سىدہ فاطمہ رَضِیَ اللّٰہُ عَنْہَا سے فرمایا، مىرے بىٹوں کو کىا ہوا ؟ حضرت سَىِّدتُنا فاطمہ رَضِیَ اللّٰہُ عَنْہَا نے عرض کی: انہىں سَخْت پىاس لگى ہے، حُضُورِ اکر م صَلَّی اللّٰہُ تَعَا لٰی عَلَیْہِ وَاٰلِہٖ وَسَلَّم پانى لىنے کے لىے مشکىزے کى طرف بڑھے مگر اس میں پانی موجود نہیں تھا۔ ان دنوں پانى کى سَخْت قِلَّت اور شدىد حاجت تھى، آپ صَلَّی اللّٰہُ عَلَیْہِ وَاٰلِہٖ وَسَلَّم نے آواز دى، کىا کسى کے پاس پانى ہے؟ ہر اىک نے کجاوؤں سے لٹکتے ہوئے مشکىزوں مىں پانى دىکھا مگر پانی کا ایک قَطرہ تک نہ ملا، آپ صَلَّی اللّٰہُ عَلَیْہِ وَاٰلِہٖ وَسَلَّم نے سَىِّدتُنا فاطمۃ الزہرا رَضِیَ اللّٰہُ عَنْہَا سے فرماىا: اىک بچہ مجھے دو، سیدہ فاطمہ رَضِیَ اللّٰہُ عَنْہَا نے اىک بچے کو پردے کے نىچے سے دے دىا، آپ صَلَّی اللّٰہُ عَلَیْہِ وَاٰلِہٖ وَسَلَّم نے پکڑ کر اپنے سىنے سے لگالیامگر وہ پىاس کى وجہ سے مُسلسل روتے رہے ، آپ صَلَّی اللّٰہُ عَلَیْہِ وَاٰلِہٖ وَسَلَّم نے ان کے مُنہ مىں اپنى زبان مُبارک ڈال دى وہ اسے چوسنے لگے حتى کہ سىراب ہو گئے، (حضرت ابوہرىرہ رَضِیَ اللّٰہُ عَنْہ فرماتے ہىں کہ) مىں نے دوبارہ اس کے رونے کى آواز نہ سنى ، جبکہ دوسرے شہزادے مُسلسل رورہے تھے، حضور صَلَّی اللّٰہُ عَلَیْہِ وَاٰلِہٖ وَسَلَّم