Book Name:Fazail e Hassnain Karimen
حسن اور سَیِّدُنا امام حُسین رَضِیَ اللہُ عَنْہما تھے آپ صَلَّی اللّٰہُ عَلَیْہِ واٰلہٖ وسلَّم نے مختلف مَواقع پر ان حضرات کی شان وعظمت کو بیان فرمایا۔آئیے "حَسنین " کے پانچ حُروف کی نسبت سےان کی عظمت وشان پر پانچ فرامینِ مُصْطفےٰ سُنتے ہیں۔
1):۔هُمَا رَيْحَانَتَايَ مِنْ الدُّنْيَایعنی حسن وحسین (رَضِیَ اللّٰہُ عَنْہُمَا )دُنیا میں میرے دو پُھول ہیں۔(بخاری ،كتاب الادب ،باب رحمة الولد وتقبيله ومعانقته ، ۳/٤٣٤، حدیث:۵۵۳۵)
2):۔ اَلْحَسَنُ وَالْحُسَيْنُ سَيِّدَا شَبَابِ اَهْلِ الْجَنَّةِیعنی حسن اور حُسین رَضِیَ اللہُ عَنْہماجنّتی نوجوانوں کے سردار ہیں۔ (ابن ماجہ)
*):۔ امیرُالمؤمنین حضرت سَیِّدُناعُمر فارُوقِ اعظمرَضِیَ اللہُ عَنْہ سے روایت ہے کہ میں نے حضرت سَیِّدُنا امام حَسن اور حضرتِ سَیِّدُنا اما م حُسین رَضِیَ اللہُ عَنْہما کو پیارے آقا ،میٹھے میٹھے مصطفیٰ صَلَّی اللہُ عَلَیْہِ وَاٰلِہٖ وَسَلَّم کے کندھوں میں پر سوار دیکھاتو کہا: آپ دونوں کی سواری کیسی شاندار ہے؟تو شہنشاہِ اُمَم ،تاجدارِ حَرم صَلَّی اللہُ عَلَیْہِ وَاٰلِہٖ وَسَلَّم نے ارشاد فرمایا: اور سوار بھی تو کیسے لاجواب ہیں۔ (تاریخِ دمشق،ج۱۴،ص۱۶۲)
4):۔ مَنْ اَحَبَّھُمَا فَقَدْ اَحَبَّنِیْ وَمَنْ اَبْغَضَھُمَا فَقَدْ اَبْغَضَنِیْ،یعنی جس نے ان دونوں سےمَحَّبت کی اس نے مجھ سے مَحَّبت کی اور جس نے ان سے عَداوت کی اس نے مجھ سے عَداوت کی۔(ابن ماجہ،کتاب السنۃ،باب فی فضائل اصحاب رسول اللّٰہ،۱/۹۶، حدیث:۱۴۳)
5) حسن کےلیے میری ہیبت وسِیادت اور حُسین کےلیے میری جُرأت وسَخاوت ہے ۔ (کنزالعمال ج،۵ ص۱۱۰)