اُسے چاہئے کہ میرے اہلِ بیت کی خدمت کرے اور اُنہیں خُوش کرے۔^([1])

سُبْحٰنَ اللہ   !کس قدر خُوش قسمت ہے وہ مسلمان جواللہ  پاک کے پیا رے رسول صَلَّی اللہُ  عَلَیْہِ وَاٰلِہٖ وَسَلَّم کی آلِ پاک کی خوشی کا سبب بنے۔آئیے!اہل  بیتِ  اطہار کے فضائل  پر مشتمل  مزید 3 فرامینِ مصطفے ٰ سنتے ہیں :

(1) ارشادفرمایا:جو میرے اہلِ بَیت میں سے کسی کے ساتھ اچّھا سُلوک کرے گا، میں قیامت کے دن اُسے اِس کا صِلہ عطا فرماؤں  گا۔^([2])

(2) ارشادفرمایا:جو شخص اولادِ عبدُ المُطَّلِب میں سے کسی کے ساتھ دنیا میں نیکی (بھلائی) کرے گا، اُس کا صِلہ دینا مجھ پر لازِم ہے جب وہ قیامت کے دن مجھ سے ملے گا۔‘‘^([3])

(3)ارشادفرمایا: ستارے آسمان والوں کے لیے باعث ِ امن ہیں اور میرے اہلِ بیت میری اُمت کے لئے باعثِ امن ہیں۔^([4])

صَلُّوْا عَلَی الْحَبِیْب!                                                                                        صَلَّی اللہُ  عَلٰی مُحَمَّد

پیارے اسلامی بھائیو!جس طرح  اہلِ بیتِ اطہار کی محبت  دنیا و آخرت میں نجات پانے اور شفاعت کا ذریعہ  ہے،  ایسے ہی  اِس پا ک گھر انے  سے بغض و عناد  رکھنا ہلاکت کا سبب ہے۔جیسا کہ

 بحرو برکےبادشاہ ، دو عالم کے شَہَنشاہ صَلَّی اللہُ  عَلَیْہِ وَاٰلِہٖ وَسَلَّم نے حضرت علی ،حضرت فاطمہ اور حضراتِ حسنین کریمین  رَضِیَ اللہُ  عَنْہُم سے ارشادفرمایا:جو تم سے جنگ کرے میں اس سے جنگ کروں