Book Name:Karbala Walon Ke Kareemana Andaz
* کربلا والے غُصّہ کرنے کے بجائےغصہ پینے والے ، لوگوں کی غلطیوں کو معاف کرنے والے اور سب سے عفو ودرگزرکا معاملہ فرمانے والے تھے ۔
* کربلا والے زمین میں فتنہ وفساد سے بچنے والے اور امن وسکون قائم کرنے والے تھے۔
* کربلا والےخُوب صدقہ وخیرات کرنے والے تھے۔
* کربلا والے اللہ پاک کی رِضا اور دِین اسلام کی سربلندی کے لئے اپنا سب کچھ قربان کردینے والے تھے ۔لہذا ہمیں بھی چاہیے کہ ہم بھی حُضُور صَلَّی اللہُ عَلَیْہِ وَاٰلِہٖ وَسَلَّم کے ان پاکیزہ گھرانے والوں کی سیرت وکردار پر عمل کرکے دنیا وآخرت کو روشن بنائیں اور اللہ پاک کی رِضا وخُوشنُودی حاصل کریں ۔
صَلُّو ا عَلَی الْحَبِیب ! صلَّی اللہُ علٰی محمَّد
پیارے اسلامی بھائیو!بَیان کو اِخْتِتام کی طرف لاتے ہوئے سُنّت کی فضیلت اور چند سُنّتیں اور آداب بَیان کرنے کی سَعَادَت حاصِل کرتا ہوں ۔تاجدارِ رسالت ، شَہَنْشاہِ نُبُوَّت ، مُصْطَفٰے جانِ رحمت، شمعِ بزمِ ہدایت ،نَوشَۂ بزمِ جنّت صَلَّی اللہُ عَلَیْہِ وَاٰلِہٖ وَسَلَّمَ کا فرمانِ جنّت نشان ہے: جس نے میری سنّت سے مَحَبَّت کی اُس نے مجھ سے مَحَبَّت کی اورجس نے مجھ سے مَحَبَّت کی وہ جنّت میں میرے ساتھ ہو گا ۔ ( مشکاۃ الصابیح،کتاب الایمان،باب الاعتصام بالکتاب والسنۃ،۱/۹۷،حدیث:۱۷۵)
صَلُّوْا عَلَی الْحَبِیْب! صَلَّی اللہُ عَلٰی مُحَمَّد
پیارے اسلامی بھائیو!سب سے پہلے فرامین ِمُصطَفٰے صَلَّی اللہُ عَلَیْہِ وَاٰلِہٖ وَسَلَّمَ ملاحَظہ ہوں: جِنّ کی آنکھوں اورلوگوں کے سِتْرکے درمیان پردہ یہ ہے کہ جب کوئی کپڑے اُتارے تو بِسْمِ اللہ کہہ