سرکاری عطیہ ہے، اس لئے تمام دُنیا میں پھیل گیا۔ الحمدللہ! صدیاں گزر جانے کے بعد بھی اب تک غُلامانِ غوثِ اعظم ربیع الآخر میں خصوصاً اور اس کے عِلاوہ ہر اسلامی مہینے کی 11 تاریخ کو ذوق و شوق کے ساتھ 11 وِیں شریف کا اہتمام کرتے ہیں۔ ^([1])

تیرے جَدْ کی ہے بارہویں غوثِ اعظم                     ملی ہے تجھے گیارہویں غوثِ اعظم

کوئی ان کے رُتبہ کو کیا جانتا ہے                                                           مُحَمَّد  کے ہیں  جانشیں  غوثِ اعظم

ہوئے اَولیا ذی شرف گرچہ لاکھوں                                     مگر سب سے ہیں  بہتریں  غوثِ اعظم

تجھے سب نے جانا، تجھے سب نے مانا                          تری سب میں دُھومیں مچیں غوثِ اعظم^([2])

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

امتحان لینے والے امتحان میں پڑ گئے

بَہْجَۃُ الْاَسْرَار شریف جو حضُور غوثِ پاک رَحمۃُ اللہِ عَلَیْہ کی سیرت پر لکھی ہوئی سب سے مُعْتَبر اور مُسْتَنَد کتاب ہے، اس میں ہے: جب غوثِ پاک شیخ عبد القادِر جیلانی رَحمۃُ اللہِ عَلَیْہ کی شہرت ہوئی، لوگ آپ کی طرف آنے، آپ کے بیانات سننے اور نیک بننے لگے تو بعض اَہْلِ عِلْم کو کچھ شُبہ ہوا، چنانچہ بغداد کے 100 بڑے بڑے عُلَما جو بہت ماہِر عالِم اور بہت ہی ذہین تھے، انہوں نے آپس میں مشورہ کیا اور ایک سَو (100) مختلف دِینی مسئلے جمع کئے، طے یہ پایا کہ سب غوثِ پاک رَحمۃُ اللہِ عَلَیْہ کی خِدْمت میں جا کر اپنا اپنا مسئلہ پوچھیں گے تاکہ معلوم ہو کہ آپ کا  علمی مقام و مرتبہ کیا ہے۔ چنانچہ سب نے بہت سوچ بچار کر اپنے مطابق بہت ہی مشکل مشکل مسئلے نکال لئے اور غوثِ پاک رَحمۃُ اللہِ عَلَیْہ کی محفل میں پہنچ گئے۔