تفسیرِ قُرْطَبِی میں لکھا ہے:جادوگروں نے حضرت موسیٰ عَلَیْہ ِالسَّلام   کا  ادب کیا اور آپ کی اجازت کے بغیر اپنا جادو پیش نہیں کیا، اللہ پاک نے اسی ادب کی وجہ سے انہیں ایمان و ہدایت کی دولت عطا فرمائی۔^([1])لہٰذا اللہ والوں کی بارگاہ میں حاضری کے وقت ہمیں ادب ہی ادب رکھنا چاہیے۔اللہ پاک کے نیک بندوں کے سامنے اپنی چار کتابوں کے عِلْم پر مغرور نہیں ہونا چاہئے، ورنہ اس کا سخت نقصان بھی ہو سکتا ہے۔ اللہ پاک ہمیں عمل کی توفیق نصیب فرمائے۔

محفوظ سدا رکھنا شہا  بے ادَبوں سے                                          اور مجھ سے بھی سرزد نہ کبھی بے ادَبی ہو^([2])

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

غوثِ پاک کی دِلوں پر حکومت

پیارے اسلامی بھائیو! ہم نے سُنا؛ 100 اَہْلِ عِلْم حُضُور غوثِ پاک رَحمۃُ اللہِ عَلَیْہ کا اِمتحان لینے آئے، آپ نے پَل بھر میں ان سب کے دِلوں پر تَصَرُّف فرمایا، سب کے دِلوں سے عِلْم کو کھینچ لیا، پِھر رحم و کرم فرماتے ہوئے، سب کا عِلْم واپس بھی لوٹا دیا۔ اِس سے معلوم ہوا؛ اللہ پاک نے حُضُور غوثِ پاک رَحمۃُ اللہِ عَلَیْہ کو دِلوں پر قبضہ عطا کیا ہے، آپ جب چاہتے ہیں، جس کے دِل پر چاہتے ہیں تَصَرُّف فرماتے ہیں۔

 شیخ  شِہَابُ الدِّیْن سُہَرْوَرْدِی رَحمۃُ اللہِ عَلَیْہ  فرماتے ہیں:میں اپنے چچا جان حضرت ابو نَجِیْب   رَحمۃُ اللہِ عَلَیْہ  کے ساتھ  حضورِ غوثِ پاک رَحمۃُ اللہِ عَلَیْہ  کی بارگاہ میں حاضِر ہوا۔ہم جب تک حضورِ غوث پاک رَحمۃُ اللہِ عَلَیْہ  کی بارگاہ میں حاضِر رہے ، میرے چچا جان رَحمۃُ اللہِ عَلَیْہ