میں مکمل قرآن پڑ ھتے رہے اور آپ رَحمۃُ اللہ عَلَیْہ نے 40 سال تک عشا کے وضو سے فجر کی نمازپڑھی۔^([1])*ایک مرتبہ حضرت عبداللہ بن مبارک رَحمۃُ اللہ عَلَیْہ کے سامنے کسی شخص نے اِمامِ اعظم رَحمۃُ اللہ عَلَیْہ کی غیبت کی تو آپ رَحمۃُ اللہ عَلَیْہ نے فرمایا:تجھ پر افسوس ہے کہ تو ایسے شخص کی غیبت کرتا ہے جس نے 45سال تک ایک وضو سے پانچوں وقت کی نماز پڑھی اور ایک رکعت میں قرآن پاک ختم فرماتے تھے اور جو کچھ مجھے فقہ کا علم ہے، وہ سب میں نے ان سے حاصل کیا ہے۔^([2])*آپ رَحمۃُ اللہ عَلَیْہ رات بھر ایک ہی رکعت میں قرآن شریف پڑھا کرتے تھے اور خوف ِخدا سے اس قدر روتے کہ آپ رَحمۃُ اللہ عَلَیْہ کے ہمسایوں کو بھی آپ پر رحم آنے لگتا۔^([3])

شعبان المعظم کے چند عبادات

اللہ پاک ہمیں کثرت سے عبادت کرنے کی توفیق عطا فرمائے۔ الحمد للہ! شَعْبَانُ الْمُعَظَّم کی تشریف آوری ہو چکی ہے اَوْر ہم اس کی بابرکت گھڑیوں میں سانس لینے کی سَعَادت حاصِل کر رہے ہیں۔ شَعْبَانُ الْمُعَظَّمبہت عظمت والا مہینا ہے، اس میں خیر اور بَرَکت کی بَرَسَات ہوتی ہے۔ طَیَّب وطاہِر نبی، رسولِ ہاشِمی صَلَّی اللہُ عَلَیْہِ وَ آلِہٖ وَ سَلَّم نے فرمایا: شَعْبَانُ الْمُطَہِّرُ وَرَمَضَانُ الْمُکَفِّرُ شعبان پاک کرنے والا ہے اور رمضان کفارہ ہے۔^([4])

اس مبارک مہینے میں بھرپور عبادت کی کوشش فرمائیں۔ شعبان المعظم کی چار بہت اہم