Book Name:Bekhaufi Ka Wabal
بَعض اَحباب نے اُس کو خواب میں دیکھا تَو پوچھا: ما فَعَلَ اللہ بِکَ؟ یعنی اللہ پاک نے تیرے ساتھ کیا مُعامَلہ فرمایا؟ اُس نے کہا: میرا وہ پیمانہ جس میں غَلّہ وغیرہ ماپا کرتا تھا، اُس میں میری بے اِحتِیاطی کی وجہ سے کچھ مِٹّی سی بیٹھ گئی تھی جس کو میں نے لاپرواہی کے سَبَب صاف نہ کیا تو ہر مرتبہ ماپنے کے وَقت اُس مِٹّی کے برابر کم ہو جاتا تھا۔ میں اُس قُصُور کے سَبَب عِتاب میں گَرِفتار ہوں۔([1])
اِسی طرح ایک اور شخص بھی اپنی تَرازُو کو مِٹّی وغیرہ سے صاف نہیں کرتا تھااور اِسی طرح چیز تَول دیتا تھا۔ جب وہ مرگیا تَو اُس کو بھی قَبرمیں عذاب شُروع ہوگیا۔ یہاں تک کہ لوگوں نے اُس کی قَبْرسے چیخنے چِلّانے کی آواز سُنی۔ کسی نیک بزرگ کو قَبْرسے چِلّانے کی آواز سُن کر رَحم آگیا اور اُنہوں نے اُس کے لئے دُعائے مَغفِرت کی، اِس کی بَرَکت سے اللہ پاک نے اُس سے عذاب کو اُٹھا لیا۔([2])
پیارے اسلامی بھائیو! ان عبرتناک واقعات سے وہ لو گ ضَرور عِبرت حاصِل کریں جو ڈَنڈی مارتے او ر کم ماپ تَول کرتے ہیں۔ آہ! ڈَنْڈِی مار کر کم ماپ کر بَعض اَوقات بظاہِر مال میں کچھ زیادَتی نظر آ جاتی ہے مگر ایسی آمَدَنی کس کام کی! بسا اوقات دُنیا میں بھی اِس قِسْم کا مال وَبال بن جاتا ہے۔ ہوسکتا ہے کہ ڈاکٹروں کی فِیسوں، بیماریوں کی دواؤں، جیب