صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

مولیٰ علی  رَضِیَ اللہُ عنہ  کی نصیحت

حضرت بایزید بِسطامی  رَحمۃُ اللہِ عَلَیْہ   بہت بڑے وَلیُّ اللہ ہیں، ایک مرتبہ آپ کا نصیب چمکا اور خواب میں مسلمانوں کے چوتھے خلیفہ، مولیٰ علی مشکل کُشا  رَضِیَ اللہُ عنہ  تشریف لے آئے، حضرت بایزید بِسطامی  رَحمۃُ اللہِ عَلَیْہ   نے بااَدَب عرض کیا: اے اَمِیرالْمُؤْمِنِین  رَضِیَ اللہُ عنہ ! مجھے فائدہ مند بات سکھائیے! آپ نے چند نصیحتیں کیں، پِھر فرمایا: سب سے بہترین نصیحت یہ ہے، اتنا کہہ کر آپ نے اپنی مٹھی کھولی، اس پر سونے کے پانی سے یہ شعر لکھا تھا:

‌كُنْتَ ‌مَيِّتًا ‌فَصِرْتَ حَيًّا                                                                                                                 وَعَنْ قَلِيلٍ تَکُونُ مَيِّتًا

فَابْنِِ بِدَارِ الْبَقَاءِ بَيْتًا                                                                                                       وَاْهْدِم بِدَارِ الْفَنَاءِ بَيْتًا

ترجمہ: تم پہلے کچھ نہیں تھے، پِھر زندہ ہوئے، عنقریب دوبارہ موت کے گھاٹ اُتر جاؤ گے، پس باقی رہنے والے جہان (یعنی آخرت) میں اپنا گھر بناؤ! دارِ فنا (یعنی دُنیا) کا گھر گِرا ڈالو! ^([1])

پیارے اسلامی بھائیو! یہ ایک خوبصُورت نصیحت ہے، اس کا یہ مطلب ہر گز نہیں کہ ہم اپنا گھر گِرا کر سٹرک پر آجائیں، ہاں! یہ مطلب ضرور ہے کہ اس دُنیا کے گھر میں دِل نہ لگائیں بلکہ آخرت کی فِکْر کریں۔  

مغفرت کی طرف دوڑ پڑو!

حضرت  علی المرتضٰی  رَضِیَ اللہُ عنہ  نے ایک مرتبہ خطبہ دیتے ہوئے فرمایا: اے اللہ پاک کے بندو! موت!موت !جس سےبچنےوالاکوئی نہیں۔ اگرتم اس سے بھاگنے کی کوشش کرو