پیارے محبوب کے پیارے ساتھی

حضرت زید بن ابو اَوفیٰ  رَضِیَ اللہُ عنہ  سے روایت ہے، سرکارِ عالی وقار، مکی مَدَنی تاجدار   صَلَّی اللہُ عَلَیْہِ وَ آلِہٖ وَسَلَّم   نے مولیٰ علی  رَضِیَ اللہُ عنہ  کو مُخَاطَب کر کے فرمایا: اے علی! تم اور میری بیٹی فاطمہ دونوں جنّت میں میرے ساتھ میرے محل میں رہا کرو گے، پِھر آپ   صَلَّی اللہُ عَلَیْہِ وَ آلِہٖ وَسَلَّم   نے یہ آیت تِلاوت فرمائی: ^([1])

اِخْوَانًا عَلٰى سُرُرٍ مُّتَقٰبِلِیْنَ(۴۷) (پارہ:14،سورۂ حجر:47)

تَرْجمۂ کَنْزُالعِرْفان: وہ آپس میں بھائی بھائی ہوں گے، وہ آمنے سامنے تختوں پر بیٹھے ہوں گے۔

جنّت مولیٰ علی کی مشتاق ہے

حضرت انس بن مالِک  رَضِیَ اللہُ عنہ  سے روایت ہے، رسولِ ذیشان، مکی مَدَنی سُلطان   صَلَّی اللہُ عَلَیْہِ وَ آلِہٖ وَسَلَّم   نے فرمایا: جنّت 3لوگوں کی مُشْتَاق ہے: (1):علی (2):عمّار (3):اور سلمان فارسی   رَضِیَ اللہُ عنہم ۔^([2]) 

مولیٰ علی کے جنّتی باغات

حضرت علی المرتضیٰ،شیرِ خُدا  رَضِیَ اللہُ عنہ  فرماتے ہیں: میں رسولِ  رحمت، مالِکِ جنّت   صَلَّی اللہُ عَلَیْہِ وَ آلِہٖ وَسَلَّم   کے ساتھ مدینے کے کسی راستے سے گزر رہا تھا، ہم ایک باغ(Garden) کے قریب سے گزرے، میں نے کہا: یارسولَ اللہ   صَلَّی اللہُ عَلَیْہِ وَ آلِہٖ وَسَلَّم  ! یہ کتنا خوبصُورت باغ ہے...!! فرمایا: ‌لَكَ ‌فِي ‌الْجَنَّةِ ‌اَحْسَنُ ‌مِنْهَا  (یعنی اے علی!) تمہیں جنّت میں اس سے بھی خوبصورت باغ دیا